【集體回憶】元綠$48迴轉壽司任食!全港執淨一間!

 
(起歌)我最初面紅...現在雙眼通紅...再幼稚還是覺得戀愛如夢....

集體回憶呢啲,到咗某個年紀就會明㗎喇...8、90後由細食到大嘅元綠,由以前同元氣鬥到你死我活,連Twins都係佢地代言人,到今日執下執下淨返最後一間!聽講水準已經大不如前,更被冠以「新。明將」嘅稱號。正所謂新年新開始,元綠決定攪個[$48任食迴轉壽司]睇下可唔可以起死回生,但網上就有前員工勸籲各位為身體著想千祈唔好去,既然係咁,就等我入天水圍做死士,幫大家探下路喇。

點知去到發現有超多人係門口等緊,由於好多人放棄唔等,加上我係1個人去,所以大約等咗2個鐘左右就入得喇!(我在場聽到3-4個人去嘅,由12:00等到4:00先有得入啊)

5點前入座$48(60分鐘)/5點後入座$68(90分鐘)
元綠
以前我好鍾意Twins㗎!有佢哋代言嘅產品就會試!你鍾意阿Sa定阿嬌啊?
twins
今次呢個優惠打響旗號,$48食到飽!咦?啲壽司呢?
壽司帶
有啦!煙鴨胸、鴨煙胸、胸煙鴨?
煙鴨胸壽司
等咗足足差唔多成分鐘先有下一碟壽司!咁計法,1分鐘一碟,如果你食得快嘅....都真係可以食60碟嘅!
一分鐘
吖....唔記得同你講,我係處於迴轉壽司嘅中上游,所以都仲有少少款可以揀,至於隔離呢班巴打就慘喇,處於下游位置,5分鐘先有一碟壽司,仲要4個人分!
元綠
壽司普普通通,唔算好難食,但一定唔係好食囉,明將應該好過佢。
煙鴨胸超鹹、甜蝦暖粒粒嘅、壽司飯好大嚿、炸蝦好厚皮......
元綠
隔離巴打餓到要問我借碟壽司食住先
中上流
有個仲飛象過河過嚟我哋呢邊迴轉帶拎添啊
飛象過河
加一杯茶要$3,除非你想渴死,如果唔係都要加㗎喇
茶
傳單上嘅壽司幾乎冇出現過咁制
傳單
以下係我係呢60分鐘入面見過嘅食物
元綠任食元綠任食元綠任食元綠任食元綠任食元綠任食
最後食咗6碟壽司同2碟小食
元綠任食
當我嗰60分鐘已經不知不覺過去咗,預備離開嘅時候,迴轉帶居然出現大量食物!實在太過份喇!
元綠任食
所以到底食得飽唔飽,係好視乎你嘅運氣!而呢個優惠會做到一月底,如果你想去懷緬下過去,咁就去喇。

元綠壽司
地址:天水圍天華路33號頌富商場2期1樓128號舖
分店電話:2893 8113

送禮物時間
今次嘅禮物係

$200元氣壽司現金券!!!!(放心...我會錫住大家,俾啲好嘢你哋食嘅)
元氣
1. 讚好LikeJapan Facebook專頁
2. 註冊成為LikeJapan網站會員
3.瀏覽此博客文章時,點選左方的「分享博客文章」以獲得分享連結
4. 會員可透過各大社交平台及討論區分享連結網址,LikeJapan會統計每條連結的點擊次數,會員也可於博客頁面左方查閱點擊排行榜。
5. 截止時間內的分享連結點擊次數愈多,獲獎機會愈大。如有會員的分享點擊數目相同,將根據系統紀錄最快達到該點擊次數的參加者得獎。
詳細玩法亦可參考此頁
*如有任何爭議,LikeJapan將保留最終決定權。
遊戲截止日期: 
2016年1月20日

回覆

寶欣的圖片

你都想挑戰?哈哈

Chiu_siu的圖片

寶欣 你好,做個朋友好嗎?

寶欣的圖片

你好~~緊係好喇!!hahaha

Chiu_siu的圖片

Shit! 禁錯制,又話預覽既==

寶欣的圖片

hahahaha....笑死我喇!!!! 你好傻!!! 咁都得!!!!
做朋友姐...唔洗預覽嘅

leroy的圖片

我又要做朋友 

Chiu_siu的圖片

多謝你呀!!岩岩睇完你條片先知你有留意._.~...驚嚇親你jei 無啦啦r 你做fd....=="

Chiu_siu的圖片

加油!做得好好!繼續努力

寶欣的圖片

我會加油!!!多謝你啊!!!

健華的圖片

留名等睇吉野家放題 lol

寶欣的圖片

等我!!!努力緊!!!

tonyhkh的圖片

元綠變左明將?真係sosad.
其實我諗依家明將都唔太差,最少唔會冇野食
感謝分享
可以的話做埋勇士去挑戰番明將
哈哈