集氣X集資! 《ONE PIECE》X熊本熊攜手振興熊本!

日本國民人氣漫畫《ONE PIECE》於今期《少年JUMP》上公佈咗同熊本縣合作、以振興熊本為主嘅籌款活動。作者尾田榮一郎出身自熊本縣,希望透過今次活動支持受災嘅故鄉。連路飛都叫大家俾啲力量佢呀!
 
 

今次籌款活動有幾種:

Project 1:熊本城復興計劃(熊本市)

為咗支援受災嘅熊本城,只要於2016年11月1日至2017年3月31日期間,向熊本市捐出1萬日圓以上就可以成為「復興城主」,並得到由尾田榮一郎老師繪畫嘅原畫設計出黎嘅原著商品。
 

詳細查詢:熊本城総合事務所 (TEL)096-359-6475、096-352-5900
 
Project 2:「故鄉納稅」特設插畫精品(益城町)
 
由2016年12月1 日開始向熊本地震中受影響極嚴重嘅益城町捐出10000日圓以上的「故鄉納稅」,就可以得到使用尾田老師繪製插畫嘅貴重紀念品(送完即止)。
 
Project 3:儘情快樂觀光記念蓋印(上天草市)
 
於11月12日至2017年2月28日期間, 集齊位於上天草市市內各觀光點嘅蓋印,就可得到特產品同限定版『ONE PIECE』精品。

Project 4:『ONE PIECE』復興列車(高森町・湯前町)

 
於高森町同湯前町兩個地方行走嘅南阿蘇鐵路同熊川鐵路,將會有化身草帽一伙設計嘅『 痛火車』 登場! 而坐車的人更可以得到描繪了高森町・湯前町風景的畫卡作為禮物。
 
 
南阿蘇鐵路/行走時期:11月27日(日)~2017年2月28日(火)※毎日運行
熊川鐵路/ 行走時期 10月29日(土)~2017年2月26日(日)※只限星期六、日及公眾假期運行・要預約
 
 
Project 5:「熊本熊×ONE PIECE」原創慈善精品
 
由SHOWA NOTE及發售加入熊本熊×ONE PIECE插畫的原創精品,所有收益將會捐付到熊本作振興之用。
 
 
 
 
 
 
 
原文出處:
 
 
 
尾田栄一郎/集英社
熊本県 2010 くまモン