防災center地震初體驗 災害自救必修科

有冇人話過你知,去日本遇到地震嘅風險同女人遇上子宮頸癌嘅風險一樣咁高?(好似係)
如果人生係咪都會經歷到地震(假設你係咁去日本嘅話我相信一定會有機會)
我寧願將我嘅初體驗奉獻比防災center嘅模擬地震器啦……
起碼有專人教我點執生保命,將來真係大吉利是遇到地震都識得點走佬嘛!
於是乎,係某個春和日麗嘅下午我就嚟到依個「東京都北區防災Center」啦~~~
 
 
一去到就見到依個案發現場!唔洗問阿貴,犯人一定係地震san啦!
唔好比我發現你企係依個位到比V自拍呀!一定笑你!
 
館入面有好多互動展品,話你知點解會發生地震,咩野叫板塊移動,板塊受到擠壓嘅時候會點樣之類~
 
展品之外又有互動遊戲玩~你睇下大男孩同學們玩得幾過懚~
再行入啲,大家會見到一個示範單位~
留意!依個並唔係去IKEX?啲有梳化比你試坐,結果你一坐就坐足成世唔肯走個種示範單位!
而係話比你知,一個位於地震帶嘅安全家屋應該係咩野樣!
唔好諗住自己唔係住係日本就唔洗理啊!
分分鐘你間酒店/民宿冇做好防震措施,咁你就要識得避開啲高危黑點啦!
 
好似攞房之後,大家就應該要check下房入面嘅櫃頂有冇裝到白色依個小東西~
唔好睇佢細細枝,其實係用嚟固定個櫃㗎!
如果發現冇裝到嘅話呢……咁萬一有地震就千萬千萬唔好行埋個櫃到啦!
 
除咗衣櫃書櫃係高危物件之外呢,雪櫃依啲道門好易開嘅橫都要小心喎!
最好就整返個櫃門lock啦~仲順便可以減肥㖭(好似係
 
好啦睇下有咩物品係家具必備,以防萬一:
唔洗問都知有醫藥品、急救箱,仲有電筒、收音機(用嚟聽最新消息)、乾電之類~~~
 
至於食物…主要都係罐頭啦~(易拉罐!)
不過我學校老師話咩都唔洗,最重要有大大支水,一人買定5公升放係房,起碼可以捱7日咁話喎!
 
行去邊一邊,睇下今日嘅重頭戲「地震之科學館」~
 
大家見到眼前3間房,一陣間會強烈震動……
 
工作人員會控制房間嘅震度,由最低級到7級強震!睇落去好似冇咩野,實際上係會dun到你pat pat痛!
依間房入面嘅朋友都係黎自台灣,地震依咪野都已經見慣見熟,好冷静……
 
我間房上面有盞吊燈,不停地猛烈搖晃,發出可怕嘅聲音!真係驚驚地!(大佬我屋企間房張床上面就係有盞吊燈!)
 
 
不過全場「玩」得最「過癮」既都係我地依啲來自非地震帶嘅朋友(體驗完連汗都流出嚟!值得試下嘅!)~
台灣人們一副司空見慣嘅樣子……仲解釋比我地聽「現在是左右左右震~」「現在是餘震~」之類……
 
好啦震完就到煙霧體驗啦!人生第一次主動走去吸二手煙……不過入面真係非常似火災現場~~
工作人員喺門口會解釋比大家知有火災個陣要點做~例如伏地而行、用手巾掩住口鼻、唔好講野、一路敲住牆壁一路前行~
 
唔係鏡頭濛,而係真係好多煙!!!!依到只係個門口,仲未開始行入去!
 
入面係黑到咁……咩都睇唔到……唔摸住牆真係無法前行!
 
出咗嚟之後,係學習救火嘅時間~
其實基本上只係學點樣用滅火筒(笑
呀叔叔話你地唔好笑呀好為好易,好多人真係要用個陣就射唔到野出嚟!
 
拿,一個二個對準團火!
 
射呀射~對唔住係冇野出嘅(笑
 
最後,就係學急救啦!係香港個個都話冇學過就唔好亂幫人急救,但係日本就唔同,大家見到有人訓低咗記得去幫佢!
 
明明睇人做個陣好易,點解我做個陣就……天啊我好似整死咗個人!
叔叔係咁叫我再做過……真係身水身汗!好!下次如果我見到你地訓低咗會衝過嚟救你~~~~冇事嘅唔洗擔心~
(sorry個頭成個癲婆咁……證明我好落力救人哈哈)
 
最後,其實東京都係好多防災center,基本上都大同小異啦~如果大家成日嚟日本,真係應該要抽返小小時間嚟依到學下嘢!話唔定受用終生㗎~(笑)