【鐵道遨遊】日本六大列車穿梭美景方案 !

去過日本嘅你,應該都認同日本風景怡人~ 如果可以有一個
假期去日本,我會希望試一次鐵道遊,坐喺列車上面細看感受
日本大自然風景嘅奧妙。所以,今次挑選咗
【六大穿梳日本美景】嘅鐵道列車方案,希望你會鍾意!
 
1. 京都府 嵯峨野 觀光鐵道
嵯峨野觀光線係京都市與龜岡市之間嘅觀光小火車
(トロッコ列車)路線。Diesel火車頭牽引住懷舊木製車廂,
周遊喺古都四季變換的溪谷中。5號車仲連接著可以將窗戶
玻璃取下嘅開放式車廂(圖中我搭嘅車廂)。
 
記得當時正值楓葉季,沿路一直有無數一片片山頭嘅楓葉
影入眼廉,嗰次大概係一次浪漫嘅列車旅遊,買車票
唔係為咗要去邊度,而係想藉住小火車嘅前行,去感受
去享受沿途嘅風景~記得去到中途站,火車上嘅車長
仲拎起枝咪高歌一曲,日本風情啊~
 
 
我當日朝早9點去到嵯峨野,已經好多人排緊隊買飛!
所以如果可以預早喺網上面買到飛就最好啦!
花季會特別多人買飛㗎!
 
2. 靜岡縣大井川鐵道
提到大井川鐵道,就緊係想試下搭佢最有名嘅蒸汽火車,
沿途觀賞閒適恬靜嘅沿線景色與奧大井嘅自然風光。
令人稱奇建造喺湖上面嘅「奧大井湖上車站」,
都係值得一看嘅地方。
 
都係可以網上預約㗎!
 
2016開始仲有Thomas號,小朋友一定好鍾意!
 
以上係大井川鐵道沿線,如果有機會去呢個地方,
不妨買張車飛,感受下列車旅遊嘅特別風味啦!
 
3. 北海道 釧網本線
JR釧網線主要服務北海道道東地區,北起網走市網走車站,
南至釧路市東釧路車站,途經釧路濕地、知床斜里等北海道
地區重要旅遊地點,是一條屬於日本國內地方交通線。
冬天仲有機會睇到鄂霍次克海流冰嘅「流冰慢車號」航行。
 
如果冬天遇上大雪,風景真係好靚!!!
聽住音樂,坐喺列車上面,
望住窗外不停閃過一幕幕雪景。。。。
 
4. 熊本縣 南阿蘇鐵道
南阿蘇鐵道(みなみあそてつどう)、喺熊本縣從九州熊本
到南阿蘇村。前後均有火車頭連接,係稀有無窗戶嘅
鐵礦小火車!可以眺望驚險刺激的橋樑,觀賞原密林,
盡情享受古代阿蘇的自然風光。鍾意古式風情,想感受
日式風情必揀嘅路線~ 真係好靚嘅風景,
淨係見到d相已經好想去!
 
網上預約(日文):http://www.mt-torokko.com/
 
5. 富山縣 冰見線
JR冰見線沿途會經過可以眺望立山層層山峰嘅雨晴海岸,
可以盡情享受富山灣沿岸嘅絕佳美景~
 
「忍者哈特利列車」係開往漫畫家-藤子不二雄A嘅故鄉冰見。
 
 
6.青森縣 秋田縣五能線
JR五能線(ごのうせん)係一條來往秋田縣能代市
嘅東能代車站至青森縣南津輕郡田舍館村川部車站嘅
東日本旅客鐵道路線。列車緊貼日本海沿岸行駛,風景一流,
係全國擁有高人氣嘅地方列車。喺觀光列車「休閒白神號」內,
仲可以欣賞到現場演奏三味線同說書人的表演。
 
今次分享到呢度啦!
如果鍾意呢篇blog就share出去啦~~
下次再見啦!bye bye~

回覆

Mac pro的圖片
想請問京都府 嵯峨野 觀光鐵道, 想坐5號車位, 是否要預早幾多天或是即日發售車票 ? thanks !