《鋼之鍊金術師》真人電影豪華卡士名單出爐!

你鍾意又好唔鍾意都好,荒川弘嘅神作《鋼之鍊金術師》已經決定咗會拍真人版電影!監製為《乒乓》嘅曽利文彦,而電影會喺6月頭係意大利正式開始拍攝,預計2017年冬天會係日本上映!
 
「若被傷害夠」,你可以做嘅都只有希望呢套戲唔會毀咗鋼鍊嘅神話... 卡司名單傳就傳咗好耐,尋日終於正式公佈喇,等身為鋼鍊粉絲嘅我同大家揭曉吧!

 

主角:愛德華·艾力克  -- Hey!Say!JUMP 山田涼介 

 

女主角:溫莉·洛克貝爾 -- 本田翼

 

焰之鍊金術師 -- 萊·馬斯丹-Dean Fujioka 藤岡靛
 
馬斯·修茲 -- 佐藤隆太
 
格蕾莎·修茲 -- 原田夏希
 
莉莎·褔艾 -- 蓮佛美沙子
 
瑪利亞·羅斯 -- 夏菜
 
哈庫洛 -- 小日向文世
 
修·塔卡 -- 大泉洋
 
提姆·馬可 -- 國村隼
 
人造人:
Lust 賴斯黛 -- 松雪泰子
 
安比 Envy -- 本郷奏多
 
桂杜尼 Gluttony -- 内山信二
 
太陽神雷托教教主:柯奈洛 -- 石丸謙二郎
 
媽咪呀豪華到喊呀!未睇之前仲好擔心,但有幾個角色我覺得簡直入型入格呀!
 
然後睇番啲角色,見到修茲個名我又忍唔住眼濕濕喇
仲有影帝大泉洋演變態佬同松雪泰子做舉手投足都色氣滿滿嘅Lust,真係勁期待各位角色著埋套衫嘅樣呀!
 
暫時睇選角上係正過《進擊的巨人》嘅!雖然男女主揀山田涼介同本田翼好似引嚟好壞參半,但兩位都有經驗,分別出演過好幾套漫畫真人化電影同電視劇,加上個人覺得山田涼介嘅身高其實幾符合劇情,所以我係幾期待嘅!
 
喂!咁愛德華細佬艾爾呢!?官方就話未講得,但監製已經拍定心口話會呈現到fans見到會十分滿足嘅畫面,咁我又即管俾個面你希望你拍好套戲啦!

 

想當年每個禮拜六晚痴住部電視等睇鋼鍊,睇黎電影上之前可以抽時間翻煲下神作!
你又覺得以上選角啱你心水嗎?不妨留言分享