【都市傳說】你是誰?!

你有冇照鏡嘅習慣?係咪見到鏡就會習慣性地照吓?唔知睇完呢個都市傳說之後,大家會唔會以後見到鏡都唔係好夠膽望......
 
傳聞只要日日都抽時間對住塊鏡望住自己個樣問「你係邊個」,維持一段時間就會出現精神崩潰,只要短短一個月,就會唔記得自己係邊個。
 
有心理學家話呢個其實係一種心理學現象,只要眼定定咁集中望住某樣野,可以係一個熟悉嘅文字、家人、朋友,甚至係日日都瞓喺你身邊嘅另一半,你都會發覺對佢個樣越來越陌生,好似唔識佢咁。
 
日本為咗證實呢個理論,竟然特登搵人去做呢個實驗,叫個男仔對住塊鏡不停問「你係邊個」,睇吓佢會唔會令到自己意識崩壞唔認得自己。雖然都知道成段片有誇張咗嘅成份,不過氣氛真係好恐怖,睇完之後夜晚黑真係唔係好夠膽慢慢欣賞自己個樣......
 
以吓係實驗嘅部份截圖,留意返,可能會造成不安
 
喺實驗嘅第一日,個男仔係可以好正常咁望住塊鏡問「你係邊個」
 
第三日,依然冇咩異樣
 
過咗幾日,同事問個男仔覺得點,個男仔本身都話冇咩特別,仲話個實驗好無聊冇料到,點知轉個頭就瞓咗喺地下
 
到咗實驗嘅第十五日,個男仔嘅氣息已經同之前好唔一樣
 
第十八日,個男仔好明顯已經出咗事,唔知話佢地專業好定咩好,個實驗竟然繼續做落去
 
個實驗完全影響到個男仔嘅正常生活,同事發現到佢竟然喺度食緊個杯麵兜
 
之後發生咩事,都係留返畀大家自己睇。
 
以下係完整實驗片段,覺得自己心臟夠強大的話請慢慢欣賞