[那些年,我們一起聽過的日文歌]Promise

[那些年,我們一起聽過的日文歌]
 
今晚,為大家介紹既歌係,A.N. JELL既<<Promise>>。
 
呢首歌,相信大家都唔會陌生,因為一定被韓文版洗過腦~
不過,我中意日文版多d,可能聽慣左日文~
其實,主要原因係因為玉森裕太有份唱ww
 
《原來是美男》既日本版係由藤谷太輔、瀧澤美織、玉森裕太、八乙女光主演。
 
故事講櫻庭美男(瀧澤美織 飾)原先要加入日本人氣組合A.N. JELL做第二主音及Keyboard手。
 
點知因意外而未能出道,經理人先生唯有搵佢既孖生妹妹櫻庭美子(瀧澤美織 飾)女扮男裝頂住檔先!
 
因為女扮男裝,仲要同一屋簷下,發生唔少趣事~~
 
好快就被A.N. JELL既主音--玉木廉(玉森裕太 飾)發現其身份……
雖然係鬥氣怨家,但每當「美男」有事時,廉都會係佢身邊……
 
暗地裡知道「美男」係女仔身分既仲有A.N. JELL既柊(藤谷太輔 飾)……
明明中意人,但一次又一次無法表白……
 
只能夠默默守護係身邊…保護「美男」……
點解唔可以大膽一d去表白呢?
 
中意「美男」既仲有A.N. JELL既鼓手,勇氣(八乙女光 飾)……
不過,佢並唔知道「美男」係女仔…佢只係想中意既人幸福快樂……
 
定情信物係好重要!親手泡製既就更加無得頂!
廉幫兔仔做整容手術,鼻形重整!變成有豬鼻既兔仔~
「美男」好中意隻公仔,廉就索性叫「美男」做「豬兔」~~
 
廉係演唱會入面,憑歌寄意,向「美男」表露愛意!
呢一part真係浪漫死!!!
 
「お前が好きだ!(我中意你呀!)」
呢一句震驚所有人!!!就連表白都咁有霸氣ww
 
如果我係「美男」就好喇~廉~我都好中意你呀!!!
玉ちゃんが大好き!!!
 
好!係時侯又要些牙下Sweet Sweet歌詞喇~
 
I will promise you ずっと君だけ見つめて
I will promise you 一直只注視著你
I will promise you ずっと君を抱きしめる
I will promise you 一直擁抱著你
届けるよ 色とりどりの 愛を 君へ
要把多姿多彩的愛傳遞给你
永遠に約束を I love you forever
約定永遠    I love you forever
 
 
聽晚同樣時間23點59分有[那些年,我們一起聽過的日文歌] 為你介紹經典歌曲,歡迎留言點唱。