[那些年,我們一起聽過的日文歌]絆

[那些年,我們一起聽過的日文歌]
 
今晚,為大家介紹既歌係,龜梨和也既<<絆>>。
 
就咁講歌名,可能大家唔知係咩歌。
但係一講《我Miss係大佬2》,又或者《極道鮮師2》,就會記得《絆》呢首歌!
 
再熟悉不過既班房~ 
曾幾何時,我班房既混亂情況同呢個有得揮(笑)
 
有熟悉既老師、同學仔,仲有公公!
 
好!等我東方不敗為大家介紹下人物先~
至於劇情…自己煲劇啦~~
 
永遠既班主任--山口久美子!
仲間由紀惠做得好好,平時係傻更更既熱情教師,但學生一有事,佢即刻變成好打過成龍既打女!
但係咁多集入面,仍然未見到佢求愛成功,真係無陰公~~
 
頭大無腦既3年D班首領--矢吹隼人。
其實覺得同赤西仁真人無分別,一樣都係咁Baka!
但係,佢的確係有首領既氣場係到!
 
富二代既3年D班第二把交椅--小田切龍。
次次打交,龜梨和也都俾人打到面腫口腫,睇見就心痛!
 
同劇既仲有小池徹平、速水直道、小出惠介~
佢地係五人幫~3年D班既風頭躉!
 
有無人仲記得隼人同其他幾個同學夜媽媽去救龍呢一幕呢?
英雄救美!完全係基情四射!赤龜萬歲!!!!!
 
 
 
我認我私心貼赤龜~想當年呢一對CP真係好正~
 
想當年,我都有cos矢吹隼人架~
仲俾架仔問有無興趣做牛郎~(笑)
 
次次唱K,都一定會點《絆》~
歌詞太正喇~特別係副歌~~
 
一步ずつで良いいさ    この手を離さずに 
一步一步地來就好了   不要放開這隻手 

共に步んだ日々が      生き續けてるから 
因為我們一起度過的日子    一直持續著 

ボロボロになるまで   引き裂かれていても 
變得殘破不堪之前   被拆散也一樣 

あの時のあの場所    消えないこの絆 
那個時候 那個地方     不會消失的羈絆 

 
 
聽晚同樣時間23點59分有[那些年,我們一起聽過的日文歌] 為你介紹經典歌曲,歡迎留言點唱。