[那些年,我們一起聽過的日文歌]山奥少年の恋物語(山奧少年之戀物語)

[那些年,我們一起聽過的日文歌]
 
今晚,為大家介紹既歌係,中川和泉同柿島伸次合唱既<<山奥少年の恋物語(山奧少年之戀物語)>>。
 
可能就咁講歌名,唔知係咩歌~
但係,如果有睇過電影《我的機械人女友》就一定有聽過呢首插曲!
 
琴晚介紹咗機械男友,無理由唔介紹埋機械女友既~
《我的機械人女友》由綾瀨遙同小出惠介主演。
 
故事係講孤獨男北村次郎係生日遇上一個好靚既女仔,仲要個女仔對自己笑~
呢個笑容,有邊個頂得住?真係電死咗~
 
食霸王餐,一齊逃跑,順理成章拖手仔~~
應該發展成情侶吧!?
 
做咩眼濕濕架?因為佢係由未來黎既人……
下!?又話綾瀨遙係機械人黎既?
 
小出惠介演既北村次郎係一個心地善良既人,唔忍心見到好多天災人禍,
於是,製造咗個機械人出黎,要返去65年前救後生既自己同其他人。
而呢個綾瀨遙就係果個機械人喇~
 
明明機械人應該係無感情,但係佢慢慢愛上咗次郎。
係一次大地震入面,明明自己俾倒下既大廈壓住,當知道次郎有危險時,
諗都唔諗,格硬扯爛自己,得返上半身,都要爬去救次郎。
呢一幕,真係睇到爆喊~
 
以為會無事,點知又一次為咗救次郎而犧牲自己…
次郎不停挖掘,終於搵得返上半身……
 
過咗好多年後,未來人既綾瀨遙見到機械人同自己好似樣。
得知機械人同次郎既愛情故事後,代入角色。
 
於是,決定回到過去,搵次郎!!!
正正交代返一開始點解有個未來人出現,仲要對住次郎甜笑放電。
 
呢個故事寫得非常之好,因為平行時空呢樣野,寫錯一樣野,就成件事都唔合邏輯。
而呢個故事正正做得到首尾呼應呢個效果!值得一讚!
 
唔睇歌詞都唔知咁到肉~~
 
悲しい思いを誰も胸の奥で
誰都曾擁有悲傷情思 
 
やさしい二人して明日に届けている
但兩人终將到達美好明天 
 
きっと いつかは過ぎるときの中に 
終有一日 過往歲月中
置き去りにした思い笑顔に変わるから 
背棄的戀情能再現笑顏
 
如果你係次郎,你會唔會接受未來人既綾瀨遙呢?
我既話,應該唔會,因為同我經歷生死既係機械人,並唔係未來人。
即使再似樣都好,感覺係呃唔到人架。
而且,同機械人之間個份愛亦都取代唔到。
 
 
聽晚同樣時間23點59分有[那些年,我們一起聽過的日文歌] 為你介紹經典歌曲,歡迎留言點唱。