[那些年,我們一起聽過的日文歌]世界に一つだけの花(世界上唯一的花)

[那些年,我們一起聽過的日文歌]
 
今晚,為大家介紹既歌係,SMAP既<<世界に一つだけの花(世界上唯一的花)>>。
 
一直以黎介紹咗咁多J家組合既歌,今日都唔例外!
講到經典,當然唔少得日本國民組合SMAP啦!
即使你唔係SMAP既粉絲,都一定有聽過<<世界に一つだけの花(世界上唯一的花)>>。
但係,又知唔知呢首歌其實係一套日劇既主題曲黎呢?
 
由SMAP成員之一既草彅剛做男主角,而女主角就係矢田亞希子。日劇名係<<我的生存之道>>。
 
故事大概係講男主角中村秀雄係一位男教師,好不幸地患上胃癌,得返一年命。
最初,因為接受唔到而自暴自棄,甚至自殺。
經主診醫生既鼓勵同勸告,中村老師振作起黎。
 
同深愛既女主角秋本老師終於拍拖,但係中村老師覺得自己時日無多,唔想害左愛人,決定要分手。
秋本老師並無因而另愛他人,幾經波折,佢地終於結婚。
幸福既時間過得特別快,最後,秋本老師係歡笑中離開……
 
當年扮演學生既有綾瀨遙,個樣又係無變過架~
 
仲有內博貴,唔知大家仲記唔記得佢曾經都係NEWS既成員黎架……
 
講得那些年,當然要介紹下SMAP啦!
睇下張相,咦?6個人既?唔係5個人既咩?
企最後果個叫森且行,曾經都係SMAP既成員。
SMAP係1988年組成,當時有森且行香取慎吾木村拓哉草彅剛稻垣吾郎中居正廣
佢地每人都有代表色架~~
直到1991年9月9日正式出道,當時人氣不如理想……
到1994年,終於係Oricon既單曲排行榜取得首位!
 
一個人無夢想既話,同條鹼魚有咩分別?
 
唔要金錢,唔要榮華富貴,勇往直前去追夢!
森且行,就係一個好例子!
1996年,森且行為左實現做賽車手既夢想,係5月31日退團,離開J家。
 
反轉豬肚就是……
 
喇!我唔係話緊SMAP其他五位成員呀!我係指J家!點解?
當年J家向所有電視台下密令,播六人時期SMAP既片段一定要刪除森且行既畫面!
之後仲表明立場「森且行一開始根本不存在於SMAP!」,咁大家明未?
對J家,我只能說@#$%︿&*(*︿*#)凸
相信有唔少資深既J家飯都會明白呢種感受~
即使再唔捨得,寧願自己以後唔可以係電視上見到本命,都希望本命有返自由,唔好再做扯線公仔。
 
好啦!我地都係聽歌輕鬆下先~
今次有兩個版本,一個係日文版,一個係煲冬瓜版。
um……我都係中意聽日文多d(笑)
所以…都係些牙日文歌詞俾大家~~~
 
小さい花や大きな花
無論大花或小花
 
一つとして同じものはないから
都不是相同之物
 
NO.1にならなくてもいい
無法成為No.1也好
 
もともと特別なOnly one
原本就是最特別的Only one
 
 
 
聽晚同樣時間23點59分有[那些年,我們一起聽過的日文歌] 為你介紹經典歌曲,歡迎留言點唱。