[那些年,我們一起聽過的日文歌]プラネタリウム(星象儀)

[那些年,我們一起聽過的日文歌]

陪你去看流星雨落在這地球上~~~

哎呀!舒咪媽腥~我唔應該唱國語歌架~我錯!我錯!
大家應該有睇過流星花園吧?
道明寺同杉菜呢一對真係火星撞地球到無人有!
唔知漫畫、動畫版,你又有無睇過呢?

係好N年前,亞視係星期六日朝早播動畫版,個時係叫《暗戀日記》。
我已經係狂追黎睇,超好笑!!!
係喎,日劇版你地又有無睇過?

老是常出現既松本潤做道明寺,可愛妹子井上真央做杉菜,高大有型既小栗旬做花澤類。

真係好中意呢一對,愈睇愈登對!
每年總有幾次傳出佢地結婚,仲要係閃婚!你睇!

一般聽到偶像拍拖結婚,都好受打擊,超反感!
但係松本潤同井上真央,絕對大丈夫!

希望有日能夠見到佢地真正既結婚相啦!
真心祝福兩位!(撒花)

如果有日佢地真係結婚,相信係婚禮上一定會播呢首歌。
《花樣男子》主題曲,大塚愛既《プラネタリウム(星象儀)》。
 

就黎到中國既元宵佳節,預早祝單身既絲打能夠搵到一個甘願為你赴湯蹈火既男人!
亦祝單身既巴打能夠搵一個好似井上真央咁清純而又永遠都俾到初戀感覺你既女朋友!

不離不棄,講好容易,做就好難。
希望我都能夠搵到一個真係做到「你不離,我不棄」既愛人……

聽晚同樣時間23點59分有[那些年,我們一起聽過的日文歌] 為你介紹經典歌曲,歡迎留言點唱。
 

回覆

Sandy Tung的圖片
《花樣男子》第一季主題曲唔係嵐主唱既WISH咩?? 
大塚愛既《プラネタリウム(星象儀)》應該算係插曲??
 
不過プラネタリウム都好好聽, 好配合內容