過了櫻花期才到東京怎麼辦?一年四季都美麗如畫的東京近郊公園

話說2015年的櫻花滿開期是4月頭, 撞正復活節, 機票價錢上漲了不少, 最後買了公眾假期后(4月9日)的機票。一落機就去左賞櫻聖地-上野恩賜公園, 果然!!....只能賞葉....樹丫上粉嫩的櫻花已全部變成綠葉.....第2日懷住失望的心情出發去國營昭和紀念公園, 因為公園屬於郊區,櫻花比較晚開,果然喜出望外, 一次過滿足晒我幾個願望,大力推介!!
 
由新宿站乘坐中央線 快速 開往青梅 直達西立川站只需1小時(¥470), 一出閘左手邊就已經係公園入口!
 
 
昭和紀念公園是東京最具代表性的一個國營公園。為紀念昭和天皇在位50周年,基地改建成公園,並於1983年正式開放。公園的 面積相等於40個東京巨蛋! 公園一年四季都可觀賞到時令的花卉, 秋天可以欣賞絶美的銀杏大道,今次我就一次過欣賞到油菜花+櫻花+鬱金香花田+日式庭園。公園分為不同區域, 設有不同設施。據悉公園內仲可以眺望富士山 (利申我睇唔到)。
 
所以大家可以租單車, 3小時¥410, 而我就選擇徒步參觀。公園內見到有food truck, 但建議大家可以預備便當小食在櫻花樹下野餐, 遇上花吹雪更是美不勝收。而且公園的遊人少, 大多數係來寫生、影相的本地人或小學生, 大家可以無死角任影唔嬲啦!
 
下次大家去東京不妨預留半日到昭和紀念公園遊覽!
官方網站設有櫻花開花情況日記:國營昭和紀念公園園内MAP