輕遊鹿之國!鹿鹿與美麗的奈良!

近畿地區嘅五個縣入面,奈良係最少香港人會去,因為奈良同京都相比的話就無咁多靚景,奈良主要以古日本同鹿鹿為主。
去得奈良嘅香港人主要都喺睇鹿鹿!
 
果度事實上係真係好多鹿鹿~
(特別嗚謝VIVI TAM提供一張咁可愛嘅餵鹿照片)
 
車長第一次去奈良都係因為要睇鹿鹿。
奈良唔浄只鹿鹿吸引,而且喺有歴史記録之後,擁有近一千七百年嘅歴史!
奈良有段時間稱為"平城京",當時"平城京"係日本首都,呢段時間叫做奈良時期。喺奈良時期,"平城京"深受道教風水觀念影響,建築模仿唐朝嘅長安同北魏嘅洛陽。
"平城京"建造嘅神社、寺院以及皇宮等建築物,見證咗日本文化喺奈良時期嘅發展。
所以喺1998年聯合國教科文組織將古代奈良嘅歷史遺跡登錄為世界遺產!
車長係睇咗玉木宏、綾瀨遙同多部未華子套日劇:鹿男あをによし(鹿男與美麗的奈良)之後,就開始對奈良有興趣喇~
 
去奈良車程唔遠,京都同大阪都有直車到!
車長推介坐私鐵兼買Kansai Thru Pass!以近畿日本鐵道範圍去遊鹿之國!
 
由京都出發的話,可以坐京都地下鐵嘅烏丸線去到新田邊或竹田,再轉近鐵京都線,就可以去到大和西大寺駅落車。
間中有烏丸線同近鐵京都線嘅直通無料急行,不過一日得兩班或三班,班次好少。
喺神戸出發的話,可以喺阪神鐵嘅電神戸三宮坐快速急行(去近鐵奈良方向),直接搭到大和西大寺駅落車。
喺大阪出發的話,就可以坐阪神なんば(難波)線快速急行(去近鐵奈良方向),直接搭到大和西大寺駅落車。
 
坐JR的話喺京都駅坐京都線,大阪駅就坐大阪環状線嘅大和路快速去奈良駅!
 
車程約40-60分鐘!車費約800円!
 
先去平城宮跡!喺大和西大寺駅行過去平城宮跡資料館約10-13分鐘!
平城宮跡係日本於七百一十年遷都(平城京)後建設嘅宮殿,家吓嘅朱雀門係根據遺跡發掘得出黎嘅成果而復原。
 
 
 
 
如話要行晒平城宮跡資料館,第一次大極殿,朱雀門,東院庭園同遺構展示館的話,
差不多要近2個半鐘!
大家要留意星期一平城宮跡資料館,第一次大極殿同朱雀門休息
 
其實大和西大寺駅對鐵路迷黎講都係一個景點黎~
D火車會不停咁轉線!
 
行完成個平城宮跡之後返去大和西大寺駅,再坐2個站就到近鐵奈良站!
奈良公園就必去架喇~
而奈良公園入面必去嘅有東大寺、浮雲園地(神鹿公園)同春日大社!
先去咗東大寺同春日大社先,
 
東大寺
東大寺係華嚴宗嘅大本山,南都七大寺之一,有成一千三百年歷史,
家吓嘅金堂(大佛殿)係喺一七零九年(宝永6年)落成,有四百一十幾年歷史。
東大寺參觀費:500円
春夏(4月~10月)開朝早7:30至下午5:00
秋冬(11月~3月)開朝早8:00至下午4:30
(詳細時間以官網為準)

東大寺入面有個高達15米嘅巨大銅鑄佛像(盧舎那仏坐像)
佛像其實有一千工百年歴史,不過經歷多次天災人禍後,得返右邊身至脚同蓮坐仲係約公元七百五十年果陣鑄造。其他部份分別喺鎌倉時代同江戸時代重建過。
金堂(大佛殿)入面仲有東大寺嘅模型,分別有奈良時代興建果陣、鎌倉時代重建果陣同江戸時代重建果陣嘅模型。
可以睇到一千三百年前嘅東大寺相比家吓係大得多。
 
繞到大佛嘅後面就會見到條好高嘅木柱,下面有個窿窿, 條柱係代表智慧之河。
話說如果可以穿過的話,事業、愛情2得意!大家可以去試下!
 
行完東大寺之後一定要行春日大社呀。
春日大社建於和銅二年(公元七百一十年)、作為古都奈良文化財産嘅一部分而被列入世界文化遺產之一。
春日大社入場費500円
 
喺春日大社推介買鹿御籤呀~
鹿御籤500円一個!
白鹿守(護身符)都好靚~保幸運!
白鹿守800円一個!
 
春日大社後面有15個小神社,毎個都求唔同嘅野!(要喺南門出去先至去到架!)
求讀書成績:1號若宮神社、
求子孫平安健康:2號二輪神社
求延命長壽:3號兵主神社、
求金運:4號南宮神社、
求衣食豊:5號廣瀬神社、
求心願:6號葛城神社、
求勇氣同力量:7號三十八神社、
求商賣同交渉成功:8號佐良氣神社、
求各種藝術順利:9號春日明神遙拝所、(藝術都有得求!!!)
求開運財運:14號金龍神社、
15號就係夫婦順利、家庭安全、同結姻縁嘅夫婦大國社,全日本只得呢度有夫婦之神!
新婚一定要去呀~
夫婦大國社個繒馬係心型,好特別!
繒馬700円1個~
 
最尾先去浮雲園地(神鹿公園)餵鹿,夜少少都唔怕~
記得餵鹿只可以餵仙貝~不過小心啲鹿鹿心急想食仙貝而咬到你地呀~~
鹿鹿無悪意咬人,只係想食仙貝所以想提示你地鹿鹿喺度,佢地唔能夠用四肢,只能用口咬提示,佢地唔識就住力咬咋!
要留意返,奈良嘅鹿始終係野生動物,要注意安全!
 
如果係6月去的話要去春日大社個鹿苑!
因為5-7月係鹿BB出世嘅季節,有咗BB嘅鹿媽媽會送去鹿苑安産!
6月果陣鹿苑會開放一個月,大家可以睇到新出世嘅鹿BB,好運的話仲可能見到鹿媽媽生BB!
不過入鹿苑要1000円入場費!
 
之前話車長係睇咗日劇鹿男あをによし(鹿男與美麗的奈良)之後,就開始對奈良有興趣。
介紹吓先:
鹿男あをによし係日本小說家萬城目學第二部奇幻小說,2007年出版兼入圍直木賞,仲喺2008年改編為日劇。
鹿男與美麗的奈良日劇版本拎咗滿足度最高日劇嘅名函。
亦都入選咗日刊體育作品賞、主演男優賞同助演女優賞頭3名、
不過收視就普普通通,可能因為唔太多人對歴史奇幻小說有興趣。
 
不過入面有啲都幾好笑,
多部未華子老點由東京調黎奈良嘅玉木宏,指奈良人係騎鹿。
仲要有專用泊鹿場…
 
玉木宏真係好襯朱雀門

有興趣可以買DVD睇睇!!