【跟貼日潮】毛茸茸過聖誕!

冬天就緊係鍾意著到暖笠笠㗎啦,今個聖誕就可以試下揀啲毛茸茸嘅單色冷衫,襯裙襯褲一樣咁靚,難怪成為今季潮流之一啦。毛茸茸嘅衫俾人一種純樸嘅感覺,所以單色嘅款式已經好好睇㗎啦,一齊睇下可以點樣配搭啦!
 
 
上身著深藍色冷衫,下身就可以襯返有圖案嘅深色配搭,可以花啲都唔緊要,因為上身單調唔驚會撞。
 
 
白色嘅毛衣聖誕著就最啱啦,下身可以襯返淺色高腰裙,或者格仔短裙都一樣好睇。
 
 
有啲朋友可能會覺得著到毛茸茸好擁腫,但其實只要配搭適合係唔會有太大問題嘅,例如襯返高腰裙就可以有返腰型啦。另外,仲可以試下襯淨色吊帶連身裙,一樣好睇。
 
 
今年大熱一字膊,毛衣一樣可以做到,亦多一份白色聖誕嘅感覺。再襯多個毛毛手挽袋,十分可愛。
 
 
毛衣嘅顏色其實深淺一樣易襯,最重要嘅係因為係單色,唔驚著一季就過時啦。
 
 
毛茸茸嘅外套亦係今年常見item,俾人暖笠笠嘅感覺啊~
 
 
如果驚太鮮色著出街好誇張,可以嘗試揀深色同長身啲,咁就百搭啲啦。
 
 
 
 
有緣再見:)
 
 
Photos from VIVI