超越偶像嘅SMAP 最強傳說排行榜

今年月底即將解散嘅國民組合SMAP，相信大家都對佢哋嘅成員非常熟悉。不過唔係fans嘅話、或者如果你唔係生於佢哋嘅年代，可能唔會知道所有關於佢哋嘅威水史。日本調查網站Goo就搞咗個投票等日本人一齊選出佢哋覺得SMAP最勁、超越日本偶像嘅威水史，一齊睇下結果啦！

第1位：全部成員都曾擔當電視劇及電影嘅主演

第2位：中居正廣開僻咗由偶像擔任節目主持嘅新天地

第3位：仍然同已退出嘅成員森且行保持良好關係，邀請佢嚟睇演唱會又去支持佢嘅比賽

第4位：首次挑戰相聲嘅偶像團體

第5位：屬於偶像參演綜藝節目嘅表表者
第6位：即使是偶像，就算要模仿或著啲傻更更嘅打扮都唔會拒絕

第7位：多年來一直活躍於娛樂圈，提拔整個尊尼事務所
第8位：曾6次成為「NHK紅白歌合戰」嘅壓軸演唱者

第9位：即使時隔5年，仍然喺節目《SMAPxSMAP》上公開為311地震受害者募款

第10位：親自前往受地震影響地方舉行賑災演唱會，以及進行如煮飯派飯等義務活動

雖然今時今日由偶像主演拍劇已經係好普遍嘅事，但講緊嘅係SMAP全部成員都曾經主演過唔少破紀錄嘅大熱作品，證明佢哋嘅演技真係被受肯定嘅。

有睇開日本綜藝節目都知道中居有份主持唔同嘅節目啦。其實佢自10幾歲開始已經好憧憬做主持人，所以一直以來都好努力去學習做主持人嘅技巧，絕對唔係因為佢係偶像先得到優待。佢更加打破咗大家對偶像只不過係「又唱又跳」嘅印象添！

曾經於中居主持嘅《ナカイの窓》節目中，同節目嘅班底女搞笑藝人近藤春菜為中居正廣痛哭，話只係單單想像中居背負嘅重任已經可以喊出黎。唔少網民都話睇到喊，仲話見到中居都眼濕濕。

唔知大家仲記唔記得1996年因為想成為賽車手而退團嘅森且行？雖然大家都以為佢哋已經唔會有咩交集嘅機會，但其實佢都經常去睇SMAP嘅演唱會，而SMAP嘅成員時不時都會喺電台節目到提起佢架！即使走上唔同嘅路仍然惺惺相惜，令唔少粉絲都感受到佢哋嘅牽絆呢！

雖然佢哋嘅解散係一件好可惜嘅事，但我相信佢哋喺日本人、甚至喺全世界嘅SMAP粉絲心目中都會有著不動嘅地位。相信佢哋亦都會繼續喺娛樂圈發熱發亮。本当にお疲れさまでした。