超經典《超時空要塞》系列宣佈推手機音樂遊戲 重溫10首神作金曲

動畫《超時空要塞》系列相信係唔少人心目中嘅經典!以導彈、三角戀、同歌姬做主題嘅MACROSS系列,自1982年起第一代開播以來,每一作都會衍生出至少一首(其實又點只一首)讓動漫迷狂loop嘅經典名曲。話說四月新番《超時空要塞 Δ》大熱,繼較早前官方宣佈推出PSV遊戲後,近日仲宣佈埋會推出手機音樂遊戲添呀!
 
 
重點來了:呢隻手機音game「マクロススマホDeカルチャー」(《歌之超時空要塞》)係以歷代名曲造成,姐係話初代Macross嘅女神林明美、《超時空要塞7》嘅熱氣·巴薩拉、Frontier嘅蘭花·李、同埋最新系列嘅組合「Walküre」都會係遊戲中以3D造型登場,夠豪華啦啩!
 
遊戲玩法大致同一般手遊嘅音樂遊戲相同,玩家可以用唔同角色去演奏歌曲。最令人振奮嘅應該都係可以重溫歷代經典歌曲!
 
雖然遊戲下年先會推出,不過大家就可以loop定歷代金曲熱下身先!
小編我就搵咗日本網民票選嘅10首超時空要塞經典金曲,你嘅心水有冇上榜呢?(排名不分先後)

 

1)初代歌姬林明美出道作 「私の彼はパイロット」 超時空要塞
 
2)經典中嘅經典「愛・おぼえていますか」超時空要塞
 
陳慧嫻當年有唱過廣東話版添呀!相信粉絲們一聽啲畫面就會浮現於腦海...
 
3)勇·戴森覺醒之曲「VOICES」 超時空要塞PLUS
 
4)Fire Bomber出道作「PLANET DANCE」超時空要塞7
 
5)巴薩拉同米蓮經典合唱「Holy Lonely Light」超時空要塞7
 
6)Fire Bomber最受歡迎歌曲「突撃ラブハート」超時空要塞7
 
7)連原始惡魔同銀河都不禁一齊唱的名曲「TRY AGAIN」 超時空要塞7
 
8)與銀河鯨魚精彩合唱 感動催淚名場面「Angel Voice」超時空要塞 Dynamite 7
(雖然總是很想吐槽巴薩拉是如何邊操控機器人邊彈吉他 但呢個場面真係經典到起雞皮)
 
9)當年讓人努力想記著舞步的偶像系歌曲 蘭花代表作「星間飛行」超時空要塞F
10)兩F歌姬合唱超熱血主題曲 獅子座「ライオン」超時空要塞F
(睇下有個YouTube有幾多views就知呢首歌有幾經典~)
 
你嘅心水有冇上榜呢?雖然好似好多首都係來自《超時空要塞7》,但好多日本網友都話7先係最經典、最能帶出以「歌聲戰勝暴力」嘅主題喎!唔知各位點睇呢?
 
最後 又點可以唔擺呢首呢~~