【超有趣日本英語教科書】登埸角色「艾倫老師」慘遭網民下手成為…

各位讀者仲記唔記得佢呢?無錯!佢就係大家既童年回憶之一—英文教科書入面既Beeno啦!就係呢一隻黃色既外星人部伴左各位學英文學足六年,仲記得當年大家仲會為Tom同Mary,Paul同Betty搭配做情侶添…(悲劇的Charlie)
 

 

但而家就算係有外星人出現既英文教科書都已經out啦~之所以話日本人既創意係無極限真係無錯,佢地就連教科書都唔放過!對於睇開動漫作品既讀者黎講,大家應該都知道人物設定對一個故事既發展黎講有極大既影響力…但估唔到現時日本既英文教科書都會為當中既登埸一物作一個詳細得令人感到莫名奇妙,唔知道咁仔細既人設對學習英文有咩作用呢…?

 

 

複雜既人設故然仲未咁,今次又點咁簡單呢!今次要講既係呢一本名為「NEW HORIZON」 既中學英語教科書!
廢話少說,大家先睇睇佢既插畫…

 

 

到底呢一本係英語教科書定還是以英文編寫既漫畫呢?
作畫既精細到作為一本教科書黎講簡直無得輸,似乎而家日本既中學已經可以實現以前大家想返學時侯睇漫畫既呢一個夢想…

 

於是近日就有日本網民發現左呢一本教科書,仲影左相上Twitter…
(翻譯:吓?新入學既細佬拎返黎既英文教科書
登埸人物會唔會太過可愛呀?尤其係艾倫老師…我戀愛了)

 

極萌既畫風似乎嚴重衝擊左網民既對教科書沉悶無聊既概念,隨即成為左網絡熱話,更係4月7號轉推既數目超過左5萬5千個,接近5網個讚好

 

而創意無極限既網民又點會就此罷手呢?
於是各式各樣既改圖就由此開始…首先既係將教科書原本既插畫作二次創作
 
由原本斯文既艾倫老師...
 
變到Star War既武士
Fate系列既「金閃閃」
 
連幪面超人都唔放過...

 

 

 

呢個時侯,同人作家當然亦都把握機會!!!!
 
(PIXIV: id=56230540)
 
(PIXIV:id=56226825)

 

去到最後最後…當然唔少得…
(PIXIV:id=56221604)
 
(PIXIV: id=56229678)

(PIXIV: id=56229356)

 

好!睇黎筆者都唔可以係度繼續深究落去啦XD (關鍵字眼:エレンベイカー先生 R18 エロ)
 
不過有趣既係推主上載左圖片之後,亦都有人將以前既『NEW HORIZON』上載分享,從中我地可以見到當中既變化係有幾咁大…

 

到底當中發生左咩事?
歸根究底到係要多謝呢一位名為「電柱棒」既插畫師,原來佢既畫作已經唔係第一次被發現…佢對上一次就係係2011年同一個出版社度為「ミライ系NEW HORIZONでもう一度英語をやってみる」擔任插畫家一職,而呢一本書雖然都係英文教科書,但Target reader竟然係...成人 (請唔好帶色情眼光睇「成人」呢兩隻字)!當中既人設更加為故事添上不少三角戀既味道…
 

 

而呢本書既銷量亦都變得大賣起黎!筆者岩岩上去睇既時侯仲要係無曬貨添…
 
成為話題人物既電柱棒事後亦都被傳媒訪問,佢指出創作時基本除左國籍之後都無乜限制,於是佢就設定左艾倫老師為「雖然年長但是和學生們沒有距離感如同大姐姐一樣」,而且仲畫得十分甜美可愛;而成品當然亦都非常符合出版社東京書籍「「要讓學生對角色有興趣,才能對英語有興趣」既方向!

 

但係就住網絡上各「色」各樣既二次創作,電柱棒係開心既同時亦都擔心,因為有唔少「很有趣」既同人創作會造成先入為主既錯誤印象…咁又係既,如果作為家長見到網上各種姿態既艾倫老師,唔多唔少都會懷疑自己仔女手上溫緊既係教科書定還是成人本子…

 

參考資料: