【超有愛】全世界首間吉野家任食火鍋!$138食足120分鐘放題!!!!

 
吉野家為咗慶祝25週年,係西環豐業大廈分店攪咗個120分鐘火鍋放題,店長話俾我知,原來呢到係全世界第一間吉野家攪火鍋放題啊!我居然有機會參與,感到好榮幸啊!(hahaha...超誇張的)

呢個放題只係做一個星期(13-19/1/2016),想食就要快喇!
吉野家放題吉野家放題
平時吉野家個火鍋細細,食完都唔飽,所以有好多人會偷偷地自己買嘢入去加料(唔洗唔認...我知你都有份haha)但今次終於唔洗鬼鬼崇崇喇!就算你想食1000嚿芝士竹輪都唔會有人阻止你!
芝士竹輪
俾你哋睇下吉野家張宣傳單張了解下~細路仔唔夠140cm收$98~
小朋友價錢
吉野家放題一共三款湯底同五種火鍋醬料俾大家選擇,湯底有番茄湯、日式雪濃湯和野菜清湯,牛肉、雞腿肉、豚肉無限量供應,仲有我嘅最愛芝士竹輪、黑白墨魚包、響鈴.....多到講唔哂!自己睇喇!仲有仲有....呢度飲野唔洗加$3,汽水、茶、麵豉湯任飲,仲唔收加一。
吉野家放題menu
總共有兩段時段可以揀18:00-20:00、20:15-22:15,不過我建議你早啲去排隊,因為實在太搶手喇!今日我同同事去咗食20:15第二輪嘅放題,由於不容有失,一定要食到然後比包膠你哋,所以我18:00就去咗門口排隊!但我發現其實18:30先去排隊嘅人都有得食。

吉野家放題
入到去俾完錢之後,就自己揀醬料,啱哂我呢啲鍾意左溝右溝嘅嘅人。
吉野家放題醬料吉野家放題
被安排坐係走廊嘅枱,好孤獨啊.....嗚嗚
吉野家放題
但入到去好Warm嘅第一樣野,就係所有食材放好哂係枱面,等緊你喇
吉野家放題
吉野家放題
可以無限追加配料,芝士竹輪同響鈴都係我鍾意食嘅(hahah....其實吃貨咩都鍾意食)
吉野家放題
吉野家放題
食食下突然有遊戲玩!鬥快Like同Check in西環新分店,禮物係日本士多啤梨同青口!(士多啤梨得10個名額咋!!!!所以你哋去之前可以預備定
吉野家放題
我兩樣都贏咗啊!! 叻唔叻啊?士多啤梨好香
吉野家放題
結冰青口!!! 笑死我!!
青口
突然大合唱生日歌!原來有人生日啊!場面好溫馨啊!好似開生日Party咁!
生日
今日我真係食得好開心啊!食到大滿足啊!如果想去嘅朋友仔,可以睇睇張地圖。
吉野家西環分店

報告完畢!

回覆

gordonlui的圖片

吉野家好似有乜新嘢都係西環分店先,之前外賣速遞服務都係西環有先……
對於我呢啲西環人來說,so good