身為一個甜品控,可能都會食過大坑「Patisserie la famille Atelier Fraicheur」(以下將簡稱 la famille ) 的正宗日本戚風蛋糕,朋友間唔中都會在la famille訂蛋糕,但鋪頭始終位於大坑,對於九龍人來說還是不太「就腳」。但原來 la famille最近已經在九龍黃埔Aeon開設了分店,實屬聖誕一大喜訊!
 
 
先為對「la famille」沒有認識的吃貨介紹一下,法文「la famille」其實解作「family」,希望帶給人溫馨的家的感覺。而粉綠色的門面亦十分清新,個人覺得帶有法國Ladurée的格調,低調而優雅。
 
至於店鋪最有名的是戚風蛋糕(Chiffon cake),有人會說口感似雪芳蛋糕,當然如果有吃過la famille的都會知道口感有很大分別啦~皆因la famille對製作戚風蛋糕的材料和技巧非常講究,並堅持跟足日本正宗配方,採用日本麵粉、砂糖及北海道鮮忌廉等材料去製作。店鋪入面有多種口味的戚風蛋糕,我同Stella今日就揀咗四款試食!
 
 
店鋪為配合聖誕,擺設特意融入雪人和聖誕樹等裝飾,極有聖誕氣氛!
 
 
首先試了玫瑰味戚風蛋糕,口感比想像中清新很多,而且蛋糕輕柔鬆軟,而且玫瑰味很重,蛋糕連cream一起吃比較好味,感覺似身處花園high tea 哈哈...上面更灑有玫瑰花瓣,賣相非常高雅。
 
 
之後試了這個聖誕期間限定的榛果coco朱古力味戚風蛋糕係用了nutella榛果可可醬去製作,相信大家細個都有食過,真係估唔到可以用來製作蛋糕!
 
可可戚風朱古力味超濃,加上入面的超滑忌廉,如果平時鍾意朱古力一定超鍾意這個蛋糕,雖然朱古力味很重但不甜膩,即使整件吞下亦不會覺得「漏」!不過如果第一次食的話,又唔特別鍾意朱古力,可以將quota留番比較特別的口味!(點解咁講?因為柚子味戚風真係堅好食啊!睇埋下面!)
 
 
輪到Tiramisu戚風,花朵形狀的忌廉非常別緻,一吃下去有股濃烈的炭燒咖啡味,而且芝士味好濃,店員說是使用意大利芝士,加上蛋糕鬆軟,食落好soft唔單調!
 
 
最後試的「日本柚子味戚風」是我和Stella的最愛,本來自己一直不喜歡水果味的蛋糕,但這個柚子味蛋糕卻令我完全改觀!!
蛋糕未食已經聞到淡淡的柚子香,原來係用日本高知縣柚子混入蛋糕,味道非常fresh,而且口感輕柔得像風,同時又夾雜了新鮮果肉,食落非常有層次感。
店員說這個口味最受歡迎,如果第一次食戚風蛋糕又不知道應試哪種口味,真心超強烈建議試日本柚子戚風!(同行攝影師拍攝完後仲買了一個返屋企俾老婆哈哈~超sweet)
 
最後說回價錢,la famille的戚風蛋糕每個都是$40至$50,蛋糕細細個,食完都唔覺得漏,當tea咁食或想氹另一半開心都係唔錯的選擇。
 
 
如果聖誕要送禮,除了蛋糕外,la famille聖誕限定都推出了曲奇禮盒,細細盒非常適合送人。唔知揀咩味好的話,店內也提供試吃,可以試清楚鍾意邊隻味先買~價錢都是$48一盒~!
 
若真的要雞蛋裡挑骨頭的話,應該就是la famille店內不設座位,只能買takeaway,不能與三五知己坐下好好享受這水準極高的戚風蛋糕吧!
 
Patisserie la famille Atelier Fraicheur店鋪資料
地址:黃埔Aeon(永旺)超級市場B1-14A鋪

營業時間: 星期一至日 10:00-22:00
電話:5597 9935