【貝遊日本】高山&白川鄉點燈LOCAL TOUR (PART 2) 之白川鄉點燈夜景

上一PART(按此)講到我參加左日本嘅LOCAL TOUR去睇白川鄉點燈,但睇點燈之前行程仲包左去高山行逛,而去完高山掃街食左好多飛驒牛美食之後,我地終於出發去白川鄉啦!
我地係大約5點鐘到達白川鄉嘅,一落車就見到勁多架旅遊巴,目測差唔多有50架@@
 
進入合掌村 必須經過吊橋,超多人!
 
終於見到合掌屋啦~今日啲積雪唔算好多,因為呢幾日落過雨嘅關係,好多雪都溶左。
 
呢條人龍就係排隊上山嘅人龍啦?,佢係一批批咁放人上山,多啲人落返黎就比多啲人上去....等等等
 
有排等,所以襯排緊隊影多幾張相,冬天嘅白川鄉真係好靚。
 
天空再變色,我都仲未上到山??
 
近鏡點左燈嘅合掌屋~
 
排左45分鐘左右,終於到隊頭啦,過左呢個位置就可以直奔上山。
 
行得越高就越興奮,因為望落去已經可以見到合掌屋嘅全景。
 
終於行到上山啦,呢個就係兵家必爭之地,但由於我地上到黎嘅時間唔係最熱門嘅時間,最熱門當然係亮燈前,所以我地好快就搵到個頭排位置企定開腳架影相??
 
溫馨提示,想影靚相記得帶腳架同埋用長鏡,因為就咁影係好細粒架,得普通相機只會影到好似圖中咁。
 
FINAL相片(如果屋頂多啲雪就好啦?):
 
 
參加LOCAL TOUR之有感:
整體感覺非常唔錯,雖然景點之間時間倉促,但係可以一日之來食到飛驒牛,去到高山同睇到白川鄉點燈,感覺非常滿足,我本身參加呢個TOUR純粹因為冇得揀,因為白川鄉點燈太熱門了,我早半年預約民宿都冇晒位,如果你預約唔到民宿就代表你一定要即日走,我地擔心雪地駕駛,所以冇考慮過租車,而本身專門去睇點燈嘅巴士又係開賣10分鐘內比人搶晒,所以我地淨係得返LOCAL TOUR可以選擇,幸好仲有呢個選擇,而成個過程都好開心,終於見到白川鄉點燈嘅漂亮夜景,無憾了?
LOCAL TOUR絕對適合未去過高山白川鄉而時間緊迫得一日時間嘅朋友,JOIN LOCAL TOUR完全唔需要擔心交通問題,舒服坐車唔太累,非點燈時間個TOUR係會平啲添,詳情可以睇返呢道啦!