【貝遊日本】青森必去-好好玩嘅魚市場!!「古川市場」(有影片)

 
日本青森可能唔係一個熱門嘅旅遊地方,但黎到青森縣我認為一定要去嘅地方就係呢個古川市場啦,距離青森車站只需要5-10分鐘路程就會到達,而呢道係一個非一般嘅魚市場,一個好好玩嘅魚市場!
 
 
▼古川市場唔算好大,只有3條走廊。
 
▼衞生環境極佳,好乾淨而且空間闊落!
 
▼古川市場有一個好好玩嘅玩意,就係可以自己配撘海鮮丼,首先去門口案內所買一張丼食券,價值1080YEN
 
▼就係呢個樣!可以見到有10個印花,之後就係憑呢啲印花去換你想要嘅海鮮配料啦!
 
▼不過第一時間就係搵橙色嘅旗仔,只有橙色嘅旗仔先有飯比你換。
 
▼換一碗飯需要1個印花。
 
▼然後就可以周圍走揀你想食嘅配料架啦,每款配料所需嘅印花都唔同,好似一塊中拖羅要2個印花,2塊三文魚只需1個印花咁,詳情睇我條片啦!
 
▼等價交換,比個印花檔主。
 
▼印花會越黎越少
 
▼當然,如果你覺得唔夠食,可以買多張丼食券再換,佢有一半540YEN嘅選擇,咁揀好晒配料之後就可以坐低食啦,周圍都有可以坐低嘅地方。
 
▼咁我揀左坐門口案內所隔離嘅無置坐低。
 
▼筷子,鼓油,WASABI,茶一應俱全呀!
 
 
▼我的第一碗海鮮丼,由於古川市場嘅海產都係清晨從鄰近海域現撈嘅各式海產,所以真係好新鮮,全部都好好味!!
1碗飯(1個印花)
2塊三文魚(1個印花)
2塊玉子(1個印花)
2個帶子(2個印花)
海膽(3個印花)
1塊中拖羅(2個印花)
 
▼如果你真係要我揀一樣係最推介,我會揀玉子,因為玉子我係唔係好期待咁品嚐,然後一試就不得了,好甜好滑好好味呀!!可能玉子蛋唔係全部配料最好味個一樣,但係一定係最驚喜個個!正!
 
▼所以之後我再叫第二碗海鮮丼,亦都再ENCORE返個玉子!今次主打甜蝦同拖羅,2個都冇得輸,好新鮮,拖羅係有入口即溶嘅感覺,我真係好想再去食!
1碗飯(1個印花)
2塊油金魚(1個印花)
2塊玉子(1個印花)
3隻小甜蝦(1個印花)
2隻中甜蝦 (1個印花)
1塊中拖羅(2個印花)
1塊大拖羅(3個印花)
 
▼睇我個樣就知道我食得幾滿足啦!我真係非常推介古川市場,又好玩又抵食,同埋冇乜人唔會迫餐死,我最後係超滿足咁離開~
我已經PLAN定下次東北之旅再返黎搵你啦!!
 
古川市場
地址:青森市古川1-11-16 
電話:017-777-1367
定休日:星期二

回覆

貝的圖片
我唔知呀~多謝提供資訊!