【貝遊日本】東京住宿推介-明月酒店(Hotel Meigetsu) CP值極高廉價之選

▼如果你去東京想住一間又平又乾淨嘅酒店,呢間酒店絕對適合你~
呢間酒店叫「明月酒店」,地理位置唔算最方便,但都還可以,位於南千住站(上野再撘多2個站)步行10分鐘嘅地方,最尾會再教你點去!
 
▼不過咁,雖然佢叫"酒店",但用"旅館"黎形容佢會更適合,因為呢間係一間需要共用浴室同廁所嘅住宿。其實小編都係第一次住需要共用浴室廁所嘅地方,但感覺非常良好,睇埋落去你就知!
 
▼我一開始BOOK呢間酒店嘅最大因素係因為佢"平",我係AGODA訂,只係需要$927就有3晚雙人房住宿,平均每人$155左右就住到一晚啦!
 
▼可以見到價錢真係好平~
亦都可以直接去佢網站預訂:http://meigetsu.jp/
 
▼而另一個吸引我BOOK嘅因素係佢嘅評價,8.3/10嘅評價係AGODA係好少見,咁高嘅評分仲要係來至差唔多200個人嘅評價@@而我見主要讚好嘅地方係因為好乾淨!
 
 
▼酒店門口亦有貼出BOOKING.COM 比佢地嘅高評分獎狀!
 
 
▼一入到明月酒店就會見到呢個小櫃台(櫃台12:00後就會關上)
 
▼另一邊就係鞋櫃,唔比著鞋入去,要換左拖鞋先得~
 
▼風筒同鏡都係放係櫃台位置免費自取,大約有4-5個風筒左右,用完大家都好自律咁用完放返呢道。
 
▼毛巾佢會提供比你,但牙刷,棉花棒等梳洗用品冇帶嘅話就要比錢買,不過都好平,50YEN就得。
另外,肚餓都可以幫襯佢買杯面啦
 
▼明月酒店有2層,第一層有6間房同埋浴室廚房都係喺呢一層。
 
▼第二層就有20間房。
 
▼而且第二層要搬行李上樓梯,但見有網友話職員會幫手哈哈
 
▼點解我偷笑呢,因為我係住第一層架哈哈,無搬行李嘅煩惱!
 
▼呢個就係我間房,長方型間格一眼睇晒,一張大床+一張枱仔+1部電視+1部冷暖空調+1個垃圾桶。
五臟驅全,而且真係好乾淨!!
 
▼仲有3個手掛衫位置
 
▼電視下面有充足位置放行李,絕對冇迫狹嘅情況~
 
▼不過我最滿意係張床,超舒服!!超舒服!!超舒服!!要講3次先夠
 
▼床褥超高,唔腍唔硬,記憶棉床褥,訓得超好每晚都!!大愛呀!!
而我見網上有人嘅評價話隔音唔係咁好,的確有呢個問題存在,係當有人係走廊行緊嘅時候會聽到,但就唔會聽到對方係房間嘅聲嘅,所以都冇乜大問題,真係每晚都好好訓~
 
▼睇下明月酒店1樓嘅設施先,牆壁都貼左好多路線圖,方便你周圍遊覽。
 
▼1樓仲有汽水機。
 
▼1樓嘅大雪櫃
 
▼如何識別自己同人地嘅東西,就係靠用MAEKER寫低自己嘅房間NUMBER係件野上面再放入雪櫃了
 
▼雪櫃格離有免費咖啡機
 
▼廚房的樣子,可以自己煮野食。
 
▼玄米茶同綠茶任飲,上面有杯可以拎,飲完記得洗返就OK!
 
▼微波爐同餐具一應俱全
 
▼仲有洗衣機,不過呢個要額外比錢,200YEN一次
 
▼乾衣機100YEN一次
 
 
▼廚房出面仲有個休閒區,可以上網同睇漫畫。
 
▼到大家最關心嘅廁所啦(究竟咁多人共用會否好污漕呢!?)
 
▼絕對超乾淨!!呢個係女廁,男廁唔清楚
 
▼1樓浴室有2個
 
▼又係超乾淨
 
▼另外,除左浴室之外,呢道仲有一個日式澡堂!
 
▼放心,呢道嘅日式澡堂唔駛共用,只要預約左時段使用,嗰個時段就成間都係你用。
 
▼就係門口呢個表上面填你間房號係你想要嘅時段,20分鐘一個時段。
 
▼入面係咁嘅,比起浴室大好多,呢邊係放衫嘅地方。
 
▼有3個沐浴位置,超大超乾淨!
 
▼另外刷牙梳洗嘅地方可以係呢一道~
 
=====================
《如何前往明月酒店?》
▼明月酒店位置係南千住區,位於東京METRO日比谷線,上野再撘上幾個站,距離市中心會有一段距離。
 
▼METRO南千住站北口出
 
▼會見到JR南千住站,直行穿過去
 
▼就會見到BURGER KING,格離有條巷仔
 
▼入去呢條巷仔跟住直行
 
▼行5分鐘左右直至見到呢間藥妝店
 
▼轉左直行
 
▼見到"喫茶"標誌再轉右
 
▼跟住條路入去就到啦~
 
▼大大個明月酒店燈牌
 
 
P.S.明月酒店仲有3個正嘅地方就係:1.免費同速度快嘅WIFI,2.可存放行李同 3.員工懂得英語對答,溝通無問題!
呢個價錢有咁好嘅質素,真係物超所值!唯一要考慮嘅地方係遠左啲啲~~
 
《明月酒店》
地址:〒116-0003東京都荒川区南千住7-21-10
TEL:03-3803-3244
入住時間:15:00
退房時間:10:00
 

回覆