▼日本嘅美食真係多到不得了，今日我地黎到高円寺！
▼高円寺北口一出步行2分鍾就會見到呢間細細間嘅食店叫做－天助（天すけ）
12點開門，我11點7到達，已經有約10個人排緊隊，而且全部都係日本本地人！只得我地2個遊客～
▼點解我識黎，就係因為係網上睇到呢個日本電視節目推介，獲得超狹窄人氣三星店第1位！！
▼認住佢個招牌啦！
▼入面真係超狹窄架，只有約10個坐位！
▼識點一定點招牌：玉子ランチ（發音TA－MA－GO－LUNCH），價錢係1300YEN，
佢同玉子天丼嘅分別就係前者天婦羅分開上，後者天婦羅一次過放係丼飯上。
▼舖細嘅關係，師傅製作食物嘅過程係一目了然嘅。
▼佢就係大師傅（右），格離係徒弟（左），仲有師傅個仔冇影到哈哈
▼有睇片嘅都見到師傅喺炸玉子過程中都會有一場」表演」，我唔肯定佢係咪每次都會咁做，但我坐左半小時都見到佢表演幾次，大家都睇得好開心，辛苦師傅了
，大家都睇得好開心，辛苦師傅了
▼而師傅知道我係遊客，就成日同我傾計，真係好NICE，佢仲識幾句國語添！
▼係主菜未到之時，會有一碟小食提供，最上為天婦羅醬汁。
▼登登登登！！主角登場！！首先送上玉子丼，有冇聽過最簡單嘅食材就係最好味嘅食物，呢碗飯完全係呢句野嘅寫照！
雞蛋只炸蛋白，令蛋黃保持半熟，軟蛋黃加脆蛋白再配合淋上秘製醬汁嘅丼飯，我不行了。。好想再食呀！！！！
真係好好味，而佢個醬汁真係無敵～～（聽講係30年老醬汁）
▼咩叫超好味，這個就是超好味！
▼個飯食一陣之後，天婦羅就慢慢逐件送上。
▼分別有長蝦，花枝，魚，茄子，青椒，西蘭花同大蝦球，真係超豐富，超好味，超飽！
咩叫超抵食，這個就是超抵食！
▼其中花枝，魚，西蘭花同大蝦球令我最驚喜，全部都係新鮮食材，炸到脆而不油！
花枝非常彈牙，一啲都唔韌
▼蝦球係最後一件天婦羅，係由5-6隻小蝦組成嘅，真係冇誇張好好味！
▼不過成間店感受最深都係老闆嘅親切，好鍾意同老闆傾計嘅過程，我一定會再黎架！！
▼穿入去中通商店街就會見到！
天助（天すけ）
地址：杉並区高円寺北3-22-7 プラザ高円寺 １Ｆ
路線：ＪＲ中央線【高円寺駅】北口 徒歩２分
營業時間：12:00-14:00 ＆18:00-22:00（逢星期一休息）
電話：03-3223-8505（只作查詢，沒有預約）
－－－－－－－－－
送大禮時間：
日本特色保護貼紙，喜愛日本嘅你用黎貼行李箱或者電腦都得呀！！MADE IN JAPAN架
送晒3張比你～
日本特色保護貼紙，喜愛日本嘅你用黎貼行李箱或者電腦都得呀！！MADE IN JAPAN架
送晒3張比你～
About Post Author
