【貝遊日本】日本關東賞花花(二)富士芝櫻祭

 
 
▼使用JR東京廣域周遊券嘅第二日,即係5月12日,我地又出發去睇花,今次嘅目的地係去梨木縣嘅富士芝櫻!!
 
▼首先由新宿站坐1小時JR到大月站
 
▼然後再轉富士急行
 
▼超可愛嘅列車呀!
 
▼天氣太好嘅關係,沿途已經可以見到好清晰嘅富士山!真係好開心好幸運,因為有人講過喺日本見到清晰富士山嘅機會率係小過50%架!!
 
▼撘左1小時左右,就到達河口湖站啦~
老實話比大家知,其實新宿坐巴士到河口湖係平啲同快啲,但因為我有JR PASS嘅關係,所以揀坐鐵路,但你比我再揀一次,咁好嘅天氣就算冇PASS我都會照坐鐵路,因為富士急行列車實在太正啦,沿途又可以見到咁靚嘅風景!!
 
▼富士急行列車有好多可愛嘅富士山圖案
 
▼一出站又見到無處不在嘅富士山
 
▼到左河口湖又要再轉一程巴士先到達芝櫻祭會場
 
▼買DISCOUNT TICKET最化算,來回巴士車費+入場券=2000YEN(單程原價要1200YEN)
 
▼8點半新宿上車,12點半終於到達啦,點解咁耐,因為太多人囉,排隊上巴士再加巴士塞車時間係最浪費時間嘅環節HAHA
 
▼真係好靚,但可以更靚,因為芝櫻最滿開嘅時間已經過左了,早多一星期黎就會好靚啦!不過早一星期黎又可能冇我咁好彩遇到咁好嘅天氣所以賞花真係要講彩數!
 
▼位於山梨縣嘅富士芝櫻祭,每年大約4月中到6月初舉辦,係一個限定賞花活動黎架!想睇多啲靚景嘅話拉返上去睇片啦!
 
▼芝櫻其實唔係櫻花黎架,只係花形似櫻花,再加上佢嘅生長好似草地般覆蓋成個地面,而芝即係日文草地咁解,所以就係咁叫做芝櫻啦~
 
▼富士山+芝櫻真係好靚呀!!
 
▼富士芝櫻祭舉辦期間,仲有一個集合富士山周邊美食的「富士美食嘉年華」。
 
▼唔同足利花卉公園咁,呢道啲食物全部都係富士山周邊嘅當地名店!
 
▼其中一部分美食
 
▼而食物大部分都係透過自助販賣機販賣,咁就唔需要擔心言語不通嘅情況啦~
 
▼買完拎收據拎食物
 
▼食野嘅地方
 
▼首先叫左以下3樣食物,全部都係名物黎架!
 
▼分別係1.吉田烏龍麵(馬肉)650YEN,馬肉似豬+牛嘅混合體,唔算太好味,反而烏龍麵(烏冬)超正!
 
▼呢個係富士吉田市周邊常見嘅烏龍麵料理,麵條Q彈、嚼勁十足!你睇下條麵幾粗!
 
▼2.富士宮炒麵 600YEN
超好味!!!靜岡縣富士宮市古早味炒麵,加上豬油渣及柴魚粉真係好正!好想再食!!
 
▼3.甲州富士櫻豬肉湯400YEN
使用山梨縣的知名豬種「甲州富士櫻豬肉」及大量當地蔬菜熬煮完成,是營養滿點的豬肉湯。不過嫌佢咸左少少,但都幾好味!
 
▼真係有好多正野食,坐低食完野之後,又忍唔住叫多串牛舌串,價值700YEN,雖然唔及出面餐廳食到嘅牛舌好味,但呢個都熱辣辣好正!!推介大家都叫一串~
大家都係賞花,點解琴日足利花朵公園啲野食難食咁多架
 
▼除左熱食之外,當然唔少得甜品啦!黑糖信玄餅雪糕(信玄餅即係麻糬)500YEN!
又係好好味,雪糕好滑,正!!
 
富士芝櫻祭唔只可以一邊賞芝櫻一邊睇富士山,仲有好多正野食,真係好值得一黎!!
大家有興趣嘅話記得MARK實芝櫻祭開放嘅時間啦!!
 
《富士芝櫻祭》*每年大約4月中到6月初舉辦
2016年舉辦日期:4月16日5月29日
地址:山梨縣南都郡富士河口湖町本栖212
開放時間:8:00~17:00