【貝遊日本】太平洋上的玻璃屋-日立駅Sea Birds Cafe

上一編BLOG講到我去左日立海濱公園睇藍花海~
 
▼咁睇完藍花海之後我未有即刻返東京,而係撘多20分鐘JR去一個好靚嘅地方!
 
▼一個被喻為世界最美車站嘅「日立車站」~
 
▼臨近太平洋上嘅茨城縣日立車站,一出站就可以見到一大遍海洋,因為整個車站都係以落地大玻璃圍住的,令車站就好似浮喺海上咁。有邊個可以抗拒一大片海天一色嘅美景?
 
▼而當中最靠近海的地方仲開設了一間CAFE叫「Sea Birds Cafe」,一場黎到,我當然會入去一邊食野一邊欣賞呢個壯闊海景!同時享受日本嘅寧靜時光。
 
▼不過如果你唔想食野嘅話,係Cafe出面亦都有一大片落地玻璃比你坐低欣賞與天空連成一線嘅太平洋海景。
 
▼Cafe入口,以我所知一到假日就好多人,等位至少半小時先入去食!
 
▼但好彩今日唔係假日而且我到嘅時候已經差唔多下午6點~
 
▼係門口睇有咩食個時,已經睇中左右下角個款食物啦!
 
▼Cafe內部
 
▼而我就緊係揀坐側邊望海嘅位置啦!!望住個一望無際太平洋食飯真係正到不能形容!!
 
▼MENU1
 
▼MENU2
 
▼最後我叫左一杯Mocha
 
▼仲有呢個一早睇中左嘅火腿蛋PANCAKE!
 
▼我想講呢個火腿蛋PANCAKE真係超好味!超好味!超好味!超好味!超好味!
 
▼個荷蘭醬係一流!
 
▼鬆餅係勁鬆軟,真係好想再食多次,每一口都是享受!
 
▼然後仲有一個沙津,係非常新鮮!
 
▼望住太平洋食住咁好味嘅食物,真係好感動
 
▼食完出到黎已經接近天黑了
 
▼要趕車返去東京嘅關係,我都唔可以係道逗留太耐
 
▼爭取最後一分一秒望多陣呢個太平洋!
 
▼其實呢個"日立車站"係2012年才正式啟用,係由出生於茨城縣的日本當代女建築師妹島和世設計。
曾獲普立茲克獎的妹島和世,運用佢最擅長嘅白色穿透感,以明亮落地玻璃窗廣納天然海景,令車站就好似漂浮係海上,亦讓車站內外空間連成一體,所以唔同嘅季節天氣時間,日立車站都會有唔同嘅樣貌。
 
▼影返過去車站嘅位置
 
▼係呢個車站逗留左一個多小時就要離開啦,希望有機會再黎多次啦!
 
▼而喺Cafe嘅Facebook仲發現佢1月1日會舉辦睇日出活動因為面向東邊嘅關係,所以Cafe位置只可以睇到日出睇唔到日落。
 
▼想像到一定係非常正,一邊嘆咖啡一邊望住太平洋睇日出,我都好想有呢個機會呀!
 
日立駅Sea Birds Cafe
地址:茨城県日立市幸町一丁目1-1
營業時間:7:00~22:00(L.O.21:00)
電話:0294-26-0187