【貝遊日本】北海道滑雪初體驗-札幌國際滑雪場

【貝遊日本】北海道滑雪初體驗-札幌國際滑雪場

難得冬天黎到北海道,唔係唔試下滑雪麻?
一個未試過滑雪嘅新手(我)最後揀左呢間距離札幌好近嘅札幌國際滑雪場,只要係札幌撘個半鐘頭巴士就可到達,方便我可以即日來回。

札幌站會有巴士到滑雪場,但注意返尾班車嘅時間,平日8:20就係最後一架去滑雪場嘅巴士啦,
詳情可以睇返官網:http://www.sapporo-kokusai.jp/tw/access.html

【貝遊日本】北海道滑雪初體驗-札幌國際滑雪場
而由於我間酒店比較接近巴士第二個站,所以我就冇係札幌站上車啦。
【貝遊日本】北海道滑雪初體驗-札幌國際滑雪場

上到車唔駛即刻比錢,職員會係所有人上晒車之後再逐一問你收錢,車票價錢來回係2500YEN一個人,
佢另外仲有一個PACKAGE,就係來回車票+滑雪場一日卷=4980YEN
最尾我係買左呢個PACAKGE嘅,但後來我發現我係唔需要買架,至於點解,繼續睇落去啦!
【貝遊日本】北海道滑雪初體驗-札幌國際滑雪場
【貝遊日本】北海道滑雪初體驗-札幌國際滑雪場

到左啦,呢個就係札幌國際滑雪場,位於定山溪溫泉街附近的山區,背靠朝裏嶽。
【貝遊日本】北海道滑雪初體驗-札幌國際滑雪場

一入到去左手邊就會係租野比錢嘅地方。
【貝遊日本】北海道滑雪初體驗-札幌國際滑雪場

正面就係電梯上去滑雪場同食野買野嘅地方。
【貝遊日本】北海道滑雪初體驗-札幌國際滑雪場

而右手邊就係LOCKER同更衣嘅地方,全部一目了然!
【貝遊日本】北海道滑雪初體驗-札幌國際滑雪場

咁呢個係租野嘅地方,咩都有,帶個人黎就得架啦,除左滑雪裝備之外,雪褸雪褲手套雪鏡冷帽咩都一應俱全!
【貝遊日本】北海道滑雪初體驗-札幌國際滑雪場

租用價錢主要如下:
一日滑雪裝備:5200YEN
滑雪服裝(雪褸雪褲手套雪鏡冷帽包晒):4200YEN
詳情:http://www.sapporo-kokusai.jp/tw/price.html
【貝遊日本】北海道滑雪初體驗-札幌國際滑雪場

咁由於我未滑過雪,亦唔識滑雪,所以我係預先上網預約左教鍊。
點樣預約其實好簡單,只要上以下網址:http://www.sapporo-kokusai.jp/school/
揀返適合你嘅課程,我就揀左20000YEN 2小時2個人個個班。
【貝遊日本】北海道滑雪初體驗-札幌國際滑雪場

預先預約定最大好處係可以寫明想要英文導師。因為話明札幌國際滑雪場,即係好INTERNATIONAL,所以預先講定係有英文老師提供XD
【貝遊日本】北海道滑雪初體驗-札幌國際滑雪場

另外,我岩岩咪話其實我係唔駛巴士買定Package,因為原來預約左上堂係已經包埋一個滑雪一日卷,即係同巴士Package個張一樣,所以佢最後有退返1500YEN比我,但係我個巴士PACAKGE係4980YEN,扣左來回巴士票2500YEN嘅價值再扣埋退返個1500YEN…仲有980YEN去左邊呀…..@@ (算吧已經成定局了)
!!所以報左課程就千萬唔好買巴士Package呀,但其實我覺得如果你冇報名搵教練但都係新手嘅話都唔好買Package, 因為你都唔識滑,所以你並唔會撘到好多次吊車,分分鍾係唔會有機會撘到,因為撘吊車重點係有上冇落!!但唔駛驚,滑雪場有一個纜車Cabin係可以落返去,來回價係1350YEN,去到買呢個就OK我覺得!

【貝遊日本】北海道滑雪初體驗-札幌國際滑雪場

另外報名課程仲有滑雪裝備租用折扣優惠,由5200YEN變左3500YEN,
所以2人報名連課程最後價錢係(唔計巴士):20000YEN(課程費)+7000YEN(2人裝備租用費)+8400YEN(2人服裝租用費)=32400YEN 
【貝遊日本】北海道滑雪初體驗-札幌國際滑雪場

如果去到先決定想上堂嘅話,好多時都冇機會,睇下我一去到就見到呢個牌了,所以都係盡早預約好啲!
滑雪班有SKI同SNOWBOARD揀,咁今次我揀左學SKI,即係傳統啲有2支棍揸住個隻,因為睇相感覺上好似易啲咁(但最後我係有啲後悔XD)
【貝遊日本】北海道滑雪初體驗-札幌國際滑雪場

我係9點鐘到達,10點半就開始上堂啦,其實比錢換衫放野入LOCKER所有野加埋真係需要個半鍾先搞掂。
著齊裝備啦!出發!
【貝遊日本】北海道滑雪初體驗-札幌國際滑雪場

呢個就係我嘅教錬,時川先生,佢話佢英文名係TIME RIVER,好搞笑XD
【貝遊日本】北海道滑雪初體驗-札幌國際滑雪場

首先一開始要做熱身先
【貝遊日本】北海道滑雪初體驗-札幌國際滑雪場

正式上堂!首先教我地點樣可以係斜路停低(最主要係打橫個人行),
再開始教點行,佢經常提及大 PIZZA同細PIZZA,即係好似圖中咁,教鍊雙腳形成嘅大三角就係大PIZZA,我個個就叫細PIZZA,細PIZZA腳就係前進,停嘅話就要大PIZZA腳,而且要內八字,不過其實我講就講得簡單,到真實情況真係好難呀><
【貝遊日本】北海道滑雪初體驗-札幌國際滑雪場

而教練亦都講明2小時課程其實好短,唔會教到好多野,不過已經好好啦,我本身真係0,咩都唔識,我連滑雪鞋原來係咁重都唔知。
【貝遊日本】北海道滑雪初體驗-札幌國際滑雪場

學左1個鐘左右,教練就帶我地上吊車啦。
( 我地首先撘最右邊個個吊車,再停留一陣,再撘向上嘅第二同第三架,最後撘返中間嘅纜車落返黎)
【貝遊日本】北海道滑雪初體驗-札幌國際滑雪場
【貝遊日本】北海道滑雪初體驗-札幌國際滑雪場

第一次坐滑雪吊車嘅我表示非常興奮,隻腳係凌空架哈哈
【貝遊日本】北海道滑雪初體驗-札幌國際滑雪場

上到去帶我地試條斜啲嘅路,跌到絕對係滑雪必然發生嘅事情!!
【貝遊日本】北海道滑雪初體驗-札幌國際滑雪場

然後係最後20分鍾,教練化身導遊,帶左我地去滑雪場最高嘅地方,佢話平時冇咁凍呢道會見到熊同埋鹿喎。
【貝遊日本】北海道滑雪初體驗-札幌國際滑雪場
【貝遊日本】北海道滑雪初體驗-札幌國際滑雪場

然後最頂位置仲有一個雪屋,入面嘅溫度好暖,教練話無論出面幾凍,入黎雪屋就一定可以得到溫暖呀!
【貝遊日本】北海道滑雪初體驗-札幌國際滑雪場

而且你估唔到雪屋入面竟然係貼左恭喜發財XD
仲有一個雪神?可以供奉。
【貝遊日本】北海道滑雪初體驗-札幌國際滑雪場

2小時嘅課程話咁快就完左,教練真係一個好NICE嘅人,上佢堂非常之開心,雖然我上完堂冇變做高手,但我得到左一個好開心嘅體驗同回憶,非常難忘!
因為上完堂已經差唔多1點,所以去醫肚先,滑雪場嘅餐廳集中係2樓,有好多選擇。
【貝遊日本】北海道滑雪初體驗-札幌國際滑雪場

我揀左食意粉PIZZA,唔好講笑,非常好味道!PIZZA即叫即烤,超正!!
【貝遊日本】北海道滑雪初體驗-札幌國際滑雪場

北海道真係一個滑雪好地方,啲雪超級棉,可以用軟林林黎形容,因為我之後再去多左一個位於岐阜縣嘅滑雪場,2個地方嘅雪係無得比,個邊嘅雪係硬,好似冰咁,所以我一直好懷念北海道嘅雪,希望之後可以再去多次啦!
【貝遊日本】北海道滑雪初體驗-札幌國際滑雪場