變種援交!日本女高中生《JK服務》惹爭議

講到日本女高中生,除左諗到卡哇依之外,另一個最多人諗到嘅Term可能就係援助交際。但原來近年有一個新興嘅Term叫做《JK服務》。
 
 
 
何謂《JK服務》?
 
JK其實係日本女子高中生「Joshi Kousei」嘅縮寫。「JK Business」(JKビジネス)意思係用女高中生做賣點,並提供“服務”俾男性嘅行業!好似之前介紹過嘅《JK Morning》 App都係其中一種(詳情可以睇呢度)。 
 
喺JK Business入面包含好多唔同範疇,占卜、按摩、散步、傾計、影相、食飯、表演等等。雖然呢d公司都標榜自己「絕不涉及性交易」,但係事實上,有好多客人都會私底下向女學生提出性方面嘅要求,或者會靜雞雞拎左Contact日後再約。結果好多不法嘅商人就會利用呢啲灰色地帶去打正旗號,推d女高中生出去提供性服務!
 
 
《JK Business》由最初女僕咖啡店嘅型態轉變成「JK喫茶店」或者「JK咖啡廳」,數量仲越嚟越多,其中7成就集中喺秋葉原!
 
 
服務內容通常都係以分鐘計算!好似JK按摩服務咁,一次大約俾3000至5000円!不過…係人都知佢地唔係專業按摩師,去得呢度嘅客人十個有九個都只係想同女學生有Touch Touch嘅機會!除左基本按摩之外,你仲可以加錢叫佢幫你撩耳仔(訓大脾),特別d嘅仲可以俾錢叫佢大巴大巴咁星你…
 
 
據知,好多女仔係因為錢銀問題入行,除此之外都有好多係因為家庭生活唔愉快,所以出嚟搵渠道抒壓!
 
 
 
咁點解日本男人咁鍾意呢樣服務?兩個字,減壓!日本人事事追求完美,如果唔係點可以提供咁高質嘅產品同服務俾我地?放工又唔敢即刻返屋企,只可以去居酒屋繼續同同事social或者自己飲悶酒(太早返屋企普遍會被老婆認為無出息或不被公司重用),壓力點可以唔爆煲,唯有搵其他慰藉。
 
外國媒體Vice News就曾經親身去日本拍左一個短嘅紀錄片講而家JK係日本嘅情況,當中亦都提及,其實有d日本男人都只係想搵人傾下計,等佢地無咁寂寞 (所以亦有好多出租男女朋友嘅公司出現)但當然亦都好多人想要Extra service……
 
 
由於情況越嚟越嚴重…近日就引起埋聯合國關注,要日本政府禁止所有兒少色情商業行為,特別點名「JK服務」。不過日本政府當然唔承認呢個問題!(打死都唔認啦下嘛,私下知就另一回事)再者,幾多歲嘅男人都鍾意嫩口嘅女仔㗎啦…更何況係日本 (睇佢地嘅AV種類就可知一二)睇怕呢個問題都有排搞…
 
俾大家睇下關於《JK Business》嘅報導啦!