【識剪一定喺日本剪】寶欣帶你去日本剪頭髮(上)

每次睇日本雜誌都覺得model個髮型好靚,加上唔少香港唔少髮型屋都會標榜使用日本品牌嘅洗髮、護髮產品,如果幫你剪頭髮嘅髮型師係去過日本受訓嘅話,仲特別感覺良好添!所以今次我決定衝出香港!去日本剪個Model頭返嚟!
 
我初初以為喺東京剪髮一定會好貴,點知上網一睇,原來有平亦有貴,由$100~$1000港幣以上都有,而我今次就揀咗一間名氣高,但價錢屬於中等嘅髮型屋!係日本剪頭髮全部都要預約咗先,唔能夠話剪就剪㗎,所以我前一日已經上網預約咗,但由於資料太多,我會喺下一篇blog詳細少少講(唔洗日文都冇問題呢!因為好多都有英文翻譯,或者帶張相去都得㗎)
 
我今次揀嘅呢間Salon位於涉谷嘅心臟地帶
日本剪頭髮
 
Euphoria Salon有位髮型師最近榮登咗預約網站嘅人氣No.1寶座啊!
日本剪頭髮
 
Salon俾人感覺好乾淨舒服
日本剪頭髮
 
日本剪頭髮
 
日本剪頭髮
 
職員會俾個細袋仔,可以隨身帶住貴重物品,而大褸同手袋職員會幫你保管好
日本剪頭髮
 
未剪之前係咁嘅樣(靜靜雞話俾你聽...呢個頭其實係我自己剪㗎前面同後面都係)
日本剪頭髮
 
髮型師宮川好江就係設計咗呢個髮型,然後榮升咗預約網站嘅第一位喇!所以我今次拎住呢張相嚟嘅!哈哈
日本剪頭髮
 
有好多唔同優惠組合,洗剪吹、染髮、電髮、護髮,通通都有!去到髮型屋可以溝通咗之後慢慢揀
日本剪頭髮
 
首先染髮先,女仔呢邊係髮型師宮川好江,而男仔呢邊係翻譯&髮型師繕誠宮本,佢哋都好溫柔、好細心同好Nice呢!
日本剪頭髮
 
洗頭椅係電動㗎,好似牙醫啲椅咁!哈哈
日本剪頭髮
 
剪掉煩惱絲....但....點解我仲有咁多煩惱嘅?
日本剪頭髮
 
髮型師好細心地一邊Set頭一邊教我點樣自己Set呢!
日本剪頭髮
 
完成喇!哈哈...雖然髮型師係同一個人,但由於天生不是Model,想像有少少出入呢!
日本剪頭髮
 
我是成龍!哈哈...唔好笑我喇!頭髮會長㗎嘛!所以冇所謂喇
日本剪頭髮
 
哈哈...髮型師不斷話我Kawaii呢(得喇...我知係門面說話....
日本剪頭髮
 
埋單10950円(約766港幣),其中1000円係指定髮型師髮用
日本剪頭髮
 
另外鍾意私人空間嘅朋友,可以揀私人房間,但當然價錢都會提升喇
日本剪頭髮
 
順帶一提,剪頭髮有飲品提供㗎
日本剪頭髮
 
髮型屋:Euphoria 【ユーフォリア】SHIBUYA GRANDE
地址:東京都渋谷区宇田川町22-2 西村フルーツパーラー4F
電話:03-3496-5377
髮型師:宮川好江