【試住報告】北海道有得任睇漫畫嘅酒店!?

終於黎到北海道紋別之旅最後一集啦。雖然快閃,但我都係個度過咗一晚。而我住嘅就係「Mombetsu Central Hotel」啦!
 
▼門面唔算好豪華,係比較傳統舊式嘅飯店。
 
 
▼大堂寬敞明亮。
 
 
▼旁邊設有飲品販賣機,咖啡、Latte、朱古力都係100円一杯。
 
 
▼比較特別嘅係佢有一個「洗鞋」嘅區域。唔知係咪平時太多Business man,所以要俾佢地出發前擦擦鞋呢?
 
 
▼當然唔少得紀念品區域。
 
 
▼係日本來說,房間已經比想像中大,空間感唔錯,唔係連開喼都要就位嘅房。
 
 
▼另外亦有熱水壺,簡單茶包,有雪櫃。只係電視比想像中細好多 
 
 
▼廁所係傳統商務酒店類型。所有基本用具都有,好似牙刷、牙膏、梳、脫毛刀、風筒等等…
 
 
▼我地係酒店享用咗一個豐盛嘅蟹宴之後,就去酒店嘅大浴場浸番個靚浴啦。(詳情請回顧紋別之旅四
 
 
▼大浴場24小時開放但桑拿只係去到12點。浴場設備比較簡單,只有精華液提供,毛巾就要自己係房拎落黎!(註:平時唔俾影㗎,我地係經許可啦
 
 
▼浸完出嚟可以嘆番杯冰水。
 
 
▼唔想飲水側邊仲有自動販賣機任揀唔嬲。
 
 
▼行出少少有個休息地方,除咗可以上網之外,仲有按摩椅免費任坐。不過最特別嘅係…
 
 
▼竟然有免費漫畫任睇!?係呢度大約有200個種類,總共4000本漫畫俾你地任睇唔嬲。只需要去接待處申請,之後你就可以免費借漫畫直到退房嘅時侯還就可以。簡直係動漫迷嘅一大福音。
 
 
▼轉過頭,竟然仲有其他雜誌可以借㗎…不過呢邊嘅風格就比較大人風(定係性感風?)
 
 
▼酒店提供嘅早餐雖不至頂級,但全部都合格有餘。當中最令人驚喜嘅係,佢竟然有新鮮帆立貝任食!係早餐時段都可以食到北海道特產真係好滾動呀!
 
 
後記:當日房價大約係港幣500幾蚊(連早餐),酒店整體表現都非常滿意。最令人驚喜嘅係有免費漫畫任睇,不過當然全部都係日文版。而美中不足嘅係,由於紋別市入面嘅店舖數量唔多,所以酒店附近無咩地方可以行,只可以乖乖留係酒店,好好沖個靚涼休息。
 
紋別之旅嘅分享就完成啦。黎緊仲會有好多關於沖繩石垣島嘅遊記,大家記住繼續留意啦
 
 
特別嗚謝:北海道紋別市 及 H.I.S. 香港支店