觀塘日本直送零食店-青木町!

觀塘日本直送零食店-青木町!

今次就嚟到觀塘出名多野行嘅駱駝漆大廈~駱駝漆八樓就有呢間日本直送零食店青木町。
店裡有超過兩百款嘅零食!除咗零食,仲有急凍食品,都有幾多烏冬,不過我睇度啲海鮮就好似唔係咁靚。所以主力都係講返零食啦!
 
地址:香港觀塘開源道60號駱駝漆大廈3座8樓M座
營業時間:星期一至五:11:00 – 20:00
                    星期六、日及公眾假期:11:30 – 19:00
 
 
呢度零食主要分咗四個價錢嘅區域,簡單易明!
有 12蚊、20蚊、28蚊、32蚊,任君選擇。
而每個區買夠一定數量仲即時有折!
 
12蚊區買夠 5 件就變 50$,平咗 10$
20蚊區買夠 5 件就變 80$,平咗 20$
28蚊區買夠 3 件就變 70$,平咗 14$
32蚊區買夠 3 件就變 88$,平咗 12$
 
咁樣減法好難唔拎人買多啲喎,有出血嘅準備啦~
觀塘日本直送零食店-青木町!
 
店內面積就唔係話大,不過都有超過兩百款零食
觀塘日本直送零食店-青木町!
 
新番嘅 Mario餅,睇個樣好似幾得/12$區
觀塘日本直送零食店-青木町!
 
店員 Roy 哥哥介紹嘅 Royce x 卡樂B 薯片,薯片口感勁脆,加埋 Royce 嘅朱古力甜味,超好食!/12$區
觀塘日本直送零食店-青木町!
 
比較特別少少嘅爆谷,抹茶味同埋芝士味。我就試咗個芝士味喇,幾好食嘅,送啤酒一流~/28$區
觀塘日本直送零食店-青木町!
 
除咗零食,仲有好多唔同味道嘅杯麵,好多都係出面搵唔到嫁!/20$區
觀塘日本直送零食店-青木町!
 
唔止食,呢度都有少量嘅精品玩具,好似呢款 Star war 鑰匙扣/38$
觀塘日本直送零食店-青木町!
 
如果唔得閒親身上去慢慢揀,佢地仲有網購服務,買滿 300蚊仲免費送貨!啱晒懶鬼們!
觀塘日本直送零食店-青木町!
 
鐘意食零食嘅你唔好錯過喇!仲可以 Follow 埋佢地 facebook,睇吓佢地呢期有咩最新零食或者優惠