去親東京旅行我都會plan好啲行程,同埋list好曬要買嘅嘢同要去嘅舖頭。不過有時想去Outlet買平嘢又要特登去,變相又浪費咗啲時間...不過畀我發現咗原來有一個超級大嘅購物熱點係包晒兩個大商場再加一個Outlet,呢度就係離東京市中心大概40至50分鐘車程、位於崎玉縣嘅AEON Laketown喇!
 
AEON Laketown有分KazeMoriOutlet三個部分。從JR武藏野線越谷Lake Town車站落車行過嚟唔使5分鐘就到第一棟Mall:Kaze嘅入口喇!
 
話說呢度2015年11月先翻新過,所以感覺仲係好新淨!同埋一入嚟就見到WEGO、Samantha Thavasa、TITICACA、GU等港人熟悉嘅店舖,地下個層仲有個好大嘅超市Maruetsu~呢度雖然唔高,得三層,不過每間舖都好大,真係唔好以為係兜個圈咁簡單呀!
 
Kaze仲有好多可愛嘅雜貨店:3 Coins、Off&On,仲有好大間TSUTAYA,同埋有CAPCOM嘅官方專門店同Cafe添!呢度總共有248間舖頭...真係你想要睇嘅嘢呢度都會有囉~
 
繼續直行就會見到通去Mori嘅行人隧道~而唔行到過來都唔能夠相信,Mori比Kaze仲~要~大~~有成500呎長添呀!呢度都經常搞活動,所以話唔定大家嚟嘅時候有幾會見到明星藝人!
 
Mori嘅舖頭(神奇地)冇同Kaze相撞,有Global Work、niko and...等大型日本牌子,以及American Eagle、Zara等歐美牌子,店舖總數達327間 *0*!
 
除了最中間嘅food court,第一層仲有成條食街,勁多餐廳!另外,Mori中間有個好大個、三層高嘅AEON Style部分,有得買藥妝、酒、同有好大個超市!買嘢食定手信都勁方便~而且仲有優惠添呀!
 
只有你哋用手機上 www.likejapan.com/95coupon gen一條條碼再係AEON Style入面呢部機scan一scan,就可以得到95折嘅coupon!一日內任用唔嬲,變咗shopping自動有折扣!
 
近新年時分呢度有好多福袋,而呢度超市仲有啲我係市中心非常少見嘅零食添!(非常齊全)
 
行到攰又唔知食咩,可以用呢張coupon去超市入面嘅Kitchen Origin揀啲飯團、或者日式便當,可以自己拼添架!買滿500yen即刻平100yen~
 
食完野,可以直接從AEON Style對面門口出去行Outlet~呢度嘅Outlet位於湖邊,景色超靚,行嘅時候不妨影張相~
 
而Outlet有多間免稅店舖,總共大概有130多間店舖!仲有個小型溜冰場係中間~
 
結果我哋真係行咗成大半日,真係少啲定性都會大出血!不過就算買到唔夠cash俾,都可以用信用卡畀錢,今次我就用咗aeon張日航卡 (JAL card),點解?下面再話你知。
 
最後走之前記得去對住車站門口嘅Mini Stop,用Coupon以買一送一優惠買埋個雪糕先好走~濃濃的牛奶味超幸福~
 
Anne推介購物小貼士:
 
1. 卡儲里數要留意外幣匯率
去outlet 掃貨用信用卡,除左唔洗拎住咁多cash係身,儲里數要留意外幣匯率!雖然aeon張日航卡只有$6=1里,但佢幫我慳左唔少海外簽卡嘅手續費,出來個匯率真係堅低! 見到statement個下諗: 早知全部碌哂aeon啦!慳好多架ma~T.T
 
用JAL里數換日本機票,無論去東京定去北海道嘅經濟位來回都係20,000里咋~!(AsiaMile要30,000里先得)!
所以如果大家鍾意去旅行shopping,aeon日航卡絕對係一個唔錯嘅選擇,詳情可以去呢度
 
2. Coupon優惠券
大家睇影片有冇留意到我成日拎住coupon,食嘢又有平、食雪糕又買一送一呢?其實大家只要 “Like” 咗aeon信用卡專頁,之後去aeon尖沙咀分行(美麗華商場辦公室20F)show下個Facebook就可以拎到呢啲coupon,而家仲送「蛋黃哥」防水袋添!大家去日本如果會去AEON Laketown,記得拎埋先去!
 
《AEON Laketown詳細資料》
地址:埼玉県越谷市レイクタウン4丁目2番地
交通:坐車或轉線到JR武蔵野線越谷レイクタウン駅下車便可