荃灣遊戲動漫一日遊!

荃灣遊戲動漫一日遊!

 

 
上個禮拜同大家介紹過一間動漫cafe,其實佢除左係油麻地有店之外,荃灣都有㗎!
 
今日就帶大家嚟荃灣拜訪下呢間cafe,順便睇下荃灣究竟有咩遊戲動漫熱點啦!
 
我地第一站要去嘅係Youme Cafe,佢係一間由日本animate同埋香港沙嗲王集團合辦嘅動漫cafe。佢會不定期更換主題,好似油麻地就做《暗殺教室》,荃灣就做《歌之王子殿下》
 
由地鐵站b出口行過去大約3分鐘就可以到㗎啦
 
荃灣遊戲動漫一日遊!
 
認住間萬寧就唔驚去錯地方
 
荃灣遊戲動漫一日遊!
 
一上到餐廳,佢前舖會係江戶前,後面先會係youme cafe,唔駛怕以為自己去錯地方。
 
荃灣遊戲動漫一日遊!
 
由於我係book閒日下晝4點去,所以個陣一個人都無,係坐耐少少先有兩個人入嚟。佢有5個唔同嘅時段俾你揀,雖然walk in都ok,不過建議假期最好都係訂左位先,聽聞都會多人,穩陣d嘛!上網book就OK!
 
荃灣遊戲動漫一日遊!
荃灣遊戲動漫一日遊!
荃灣遊戲動漫一日遊!
 
一入到去已經見到好多《歌之王子殿下》嘅野啦,大型紙牌啦,Menu啦,枱墊啦…仲有播住佢地嘅歌添。
 
荃灣遊戲動漫一日遊!
荃灣遊戲動漫一日遊!
荃灣遊戲動漫一日遊!
荃灣遊戲動漫一日遊!
 
每個角色都代表住一種野食同埋野飲,如果你係粉絲嘅話,梗係揀番你嘅本命啦,但因為我無特別喜歡邊一個,我就淨係揀我自己想食嘅,點知咁岩兩個都係音也Otoya!其實食物質素幾好,始終都係沙嗲王集團,食物有番咁上下保證嘅。
 
我嘅咖哩肥牛烏冬,仲要有音符做裝飾so cute!!
 
荃灣遊戲動漫一日遊!
 
呢個係洛神花黑加侖子配雪糕,幾好味,唔錯!雪糕都好大球! 
 
荃灣遊戲動漫一日遊!
 
由於每個時段係一個半小時,大約係倒數半個鐘嘅時侯,可愛嘅侍應生妹妹就會出嚟同我地玩遊戲,每人會有3張咭代表包剪拓,舉高你想揀個張,ready之後侍應妹妹就會抽個波波代表佢出乜野,贏咗就可以揀一個杯墊!正常全場應該淨係得5個人可以拎到,但因為我地全場得3個人,所以一贏就有,今次我都係揀左otoya!
 
荃灣遊戲動漫一日遊!
 
每個人都會有兩個牌子,一個係for抽杯墊,一個係for抽書簽!你可以隨時出去或者埋單個陣先抽都ok!
 
荃灣遊戲動漫一日遊!
 
收銀旁邊仲有一個禮品區,主要係賣文具同鎖匙扣個d為主!
 
荃灣遊戲動漫一日遊!
 
最後埋單114蚊,價錢算中規中距。可能因為無咩人嘅關係,所以無乜氣氛。如果一大班朋友一齊嚟可能會開心d,有陣時仲會有cosplayer上嚟添架!但可能要假期吧!如果係有蠟筆小新嘅主題就好…哈哈
 
食飽飽就同大家行街街消化下!荃灣近年多左好多大型嘅商場,不過今日帶大家遊嘅係兩個比較街坊嘅商場。
 
第一個就係荃豐中心商場,唔好睇佢殘殘舊舊咁,其實佢底層全層都係賣電腦產品,遊戲,動漫精品咁,小編平時買遊戲都會去!由youme cafe行過去嘅話10分鐘內就會到。
 
荃灣遊戲動漫一日遊!
荃灣遊戲動漫一日遊!
 
荃灣遊戲動漫一日遊!
荃灣遊戲動漫一日遊!
 
另一個係荃灣新之城,佢下層叫南豐中心,上一層先係新之城。由荃豐行過嚟都只係10分鐘。呢邊雖然無遊戲賣,但係就有好多精品,仲有一個好大嘅扭蛋區。我數過total有成294部機,你想點扭就點扭!
 
荃灣遊戲動漫一日遊!
荃灣遊戲動漫一日遊!
 
係我好鍾意嘅蛋黃哥同Sailormoon 荃灣遊戲動漫一日遊!
 
荃灣遊戲動漫一日遊!
荃灣遊戲動漫一日遊!
 
今日嘅介紹就差唔多啦,歡迎問問題,或者你地又有無咩動漫好去處可以介紹呀?
 
下次再見BYEBYE 荃灣遊戲動漫一日遊!