膽量挑機9之長崎猛鬼軍艦島

又到左星期六晚22時59分既膽量挑機時間~
 
如果有睇[不敗日記],應該知道我識左個架仔好似周國賢~
而佢又同我講左好多關於日本既鬼故~
今晚就同大家先講呢個!
 
長崎猛鬼軍艦島
 
 
就咁睇,第一個感覺係…大逃殺!?
有無人有同感??
 
 
雖然係個島,但係1887年~1974年,接近一百年間,曾經有一大班人係島上居住生活。
就咁望落,我覺得有d似80年代既舊式公屋。
 
 
 
 
係1890年,三菱公司收購左軍盤島,主要係島上進行開發,係海底挖煤。
除左一大班煤礦工人之外,亦有佢地既家人係島上生活。
當時,島上亦有酒吧、小店、學校等,同一個小市區並無分別。
 
 
 
係1959年既時侯,居住人數超過5千人,人口密度超高。
不過係第二次世界大戰時,日本政府強迫中國同朝鮮既工人到島上生活。
有唔少人最終客死異鄉,死於地下煤礦……
到左1974年,日本進行全國封閉煤礦,而呢個軍艦島亦係同年將島上既人一一撤走。
 
俾大家了解左軍艦島之後,係時候同大家講鬼故喇……
 
有一個男仔,曾經係島上既居民,住到18歲時,就被安排離開軍艦島。
有一年既夏天,佢決定返去。
雖然,軍艦島已成禁地,因為屬於三菱公司所擁有…
只不過,仍然有唔少既遊客同釣魚發燒友偷偷地到島上。
 
 
當佢抵達島上時,發現建築物除左有歲月痕跡之外,仲有牆上既塗鴉同周地既垃圾……
其實,呢到已經變成危險重地,因為唔知幾時會有石屎跌落黎,又或者差錯步失足而死……
佢一路行,一路諗「我會唔會就咁死左架?」
不過,眼前既都係再熟悉不過既街道,好懷念以前既生活……
 
 
係個一晚,佢聽其他原居民講……
大約係一個月之前,7月7日……
有一班人上左島,去到小山上既神社到…
唔知係慶祝定係做咩野…有d太鼓聲咁……
但明明果一日…係附近既高島同高濱都無任何慶祝活動……
 
 
當佢去到學校既禮堂時…發現左一本筆記……
係以前同班既女仔所寫既筆記,整齊既英文字句,令佢印象深刻…
 
當佢去到個女仔間房時,先發現個女仔已經死左……
而個女仔既雙親都話本筆記送俾佢做紀念……
 
果日,係個女仔既死忌,8月13日……
佢係個女仔間房到點香,然後講左句「回魂啦!返黎呢個島上面啦!」
 
之後佢就係65號屋3樓既廁所到見到紅色藍色既光……
係空中飄浮左一陣,就突然消失左……
 
聽講,有唔少人都係島上見到紅色藍色既光……
相信呢d光都係離唔開呢到死係島上既怨靈黎……
 

回覆

Mable的圖片

好像九龍城寨,東南亚地方,大相似