膽量挑機6之大阪猛鬼商場

又到左星期六晚既膽量挑機時間!
 
講起猛鬼商場,香港既話就諗起Sxgx商場~
而日本,係大阪中央區亦有一個非常猛鬼既商場--千日百貨公司。
俾大家睇下當年既新聞片段先~
 
以下片段有可能引起觀眾不安,敬請留意。
 
千日百貨公司係1958年12月1日開業,1960年係樓頂加建摩天輪。
好不幸地,係1972年5月13日發生嚴重火災……
 
係1972年5月13日夜晚10點,係千日百貨公司既三樓女裝部發生火警。
火勢迅速蔓延,造成118人死亡,81人受重輕傷。
火警原因竟然係一個電器技工係三樓後樓梯到偷偷食煙,繼而亂掉一支未熄滅既香煙而引起!
 
當時火勢猛烈,有部分人從樓頂或打爛玻璃窗,從高空跳下。
由於直接落地,24個跳落黎既人,有22個因全身骨折或頭骨爆裂而死亡。
 
災場內有大量毒氣,令96人係7樓中毒窒息而死。
係火災之後,改建為春天百貨。
諗住重新開始,但係頻頻鬧鬼……
 
有個女仔返兼職,係到執緊貨,準備聽日開鋪…
執下執下…就過左夜晚10點…突然
「火燭呀…火燭呀……」
係場內既中央廣播到突然傳出憂怨既女人呼叫聲!
當時個女仔好驚,好想走,但係俾Full time員工叫佢繼續做野!
個女仔只好頂硬上…後黎問較為傾得埋既同事先知…
原來每晚當過左10點…中央廣播就會傳出救命聲…喊聲……
所以,大部分員工都盡量快d收鋪,係10點前就走…
 
後黎…當過咗營業時間,員工收鋪準備返屋企時,
聽到「噶…噶…噶」既高跟鞋聲係走廊傳出。
但應該無客人在場,亦無員工咁得閒係到行黎行去…
於是,百貨公司決定一夠鐘,就一齊收工返屋企!
因為,有員工曾經見到有鬼係走廊到行街睇衫……
 
呢張相既位置係8樓既廁所,都曾經鬧鬼…
有個運輸哥哥係入面「辦緊大事」時,
聽到門外有女人笑聲「嘻嘻…嘻嘻嘻…嘻嘻……」
嚇到個哥哥褲都未著好就衝出去……
 
鬧鬼事件愈黎愈多,保安叔叔都踢炮唔撈!
有人膽粗粗去見工時,睇到份合約其中一項寫住「幽靈注意!」
因為,做保安要半夜入商場巡樓……
 
係商場附近有好多既神社同地藏菩薩神像,希望減少鬧鬼事件,亦希望怨靈安息往生。
 
春日百貨既鬧鬼事件太多…最後都係要結業…而家已經做左Bic Camera……
睇相,我先發現我去過=0=
難怪個時,我會覺得同其他既Bic Camera有d唔同咁啦!!!!!