膽量挑機5之自殺森林

又到左星期六22時59分,今晚既膽量挑機同大家講日本自殺森林,青木原樹海。
 
請一邊聽住呢首BGM,一邊睇今晚既膽量挑機~
 
大家都好愛日本,覺得日本係個好好既國家。
但係,又有幾多個人知道其實日本人好大壓力既呢?
 
大家係咪覺得富士山好靚呀?
但係又點會估到原來富士山既西北部有個叫「青木原樹海」既自殺森林呢?
 
點解會叫做自殺森林呢?
因為係日本,有好多人睇唔開時,都會不約而同去到呢到上吊自殺……
 
有部分地方已經俾日本政府封咗,唔俾進入。
但係,相信仍然有唔少人……
 
係森林入面,吊頸既繩,隨處可見……
最初係1970年,日本搜索隊只係發現20具屍體…
到1994年,發現有57具屍體……
只係短短5年,1999年發現屍體數量已經超過70具……
 
直到而家,每年既秋天,日本搜索隊都發現100具以上屍體……
只要進入森林,行唔洗20分鐘,就會發現到……
 
有唔少告示,希望大家係輕生之前諗一下親人,然後致電尋求協助。
 
好多時,自殺原因都離不開金錢債務問題……
所以亦有相關既告示,希望可以開解有錢銀煩惱既人……
 
有好心人寫下紙句,希望可以令準備自殺既人堅持咁生存落去,打消自殺念頭。
日本人真係好溫柔體貼……
至今,已經有超過50人致電日本警方而獲救。
有部分獲救人士都會寫信答謝,仲話會好好咁生存落去。
 
有唔少既日本的士司機表示,乘坐到該地既人都係神情怪異,好似撞咗邪咁。
亦都話從來無試過有人係該地搭的士返去,去得該地既人都一去無回頭。
 
有唔少人就話想去探險,想撞下鬼。
比起見到自殺死既亡靈,花多少少時間去關心身邊既人更有意義。
有時候,就係一句說話,令人變得堅強,有勇氣生存落去。
 
今日破例,係到送首歌俾大家,《勇氣100%》
 
無論發生咩事,都唔好輕意放棄生命!至少,仲有我係呢到陪住你!
我地一齊加油!
 
下星期六同樣時間22時59分有膽量挑機!