膽量挑機34之日本校園怪談(下)

又到咗星期六晚嘅膽量挑機時間。
 
上集講咗三個日本校園怪談,今集就同大家講埋另外四個怪談。
不過,喺講校園怪談之前,我要同大家分享一下我最近嘅靈異經歷。
以下係我於9月4日夜晚喺Facebook專頁嘅留言。
 
 
唔知大家記唔記得,又或者有冇睇過之前有一集膽量挑機係講俾鬼壓嘅呢?
如果無印象睇過,不妨睇睇!
膽量挑機22之日本驅鬼方法http://www.likejapan.com/guts22
 
好!言歸正傳!
 
日本校園怪談(下)
 
 
怪談四︰紅斗蓬
 
曾經喺日本校園盛傳,喺放學時段,一個披著紅色斗蓬,帶著面具嘅人會問你
「鍾意紅色?白色?藍色?」
當你答「紅色」時,你就會被殺害至成身鮮血。
答「白色」,你就會被抽乾體內所有血液。
如果答「藍色」嘅話,你就會被掟落海而溺死。
傳說,呢個殺人狂魔並唔係咩妖魔鬼怪,而係一個一直殺人而未被逮捕嘅殺人犯,名叫「A」。
「A」專殺放學返屋企嘅小朋友,聽講已經殺咗唔少小朋友……
(所以話,千其唔好隨便同陌生人講嘢!)
 
 
 
怪談五︰雪花球
 
當你抬起頭望天空時,就會見到有大約乒乓球大小嘅白色毛球物體,大家稱之為「雪花球」。
雪花球會喺半空中自由咁飄呀飄,好少會飄落地面。
傳說,如果捉到雪花球,就能夠得到幸福,因為雪花球係天使身上嘅羽毛。
聽講,當雪花球同香粉混合埋一齊時,就能夠變出更多嘅雪花球。
喺漫畫入面曾經提到,雪花球能夠實現願望。
每當願望實現後,雪花球就會縮細。
如果願望愈大,實現後,雪花球就會縮得愈細,甚至消失。
所以,當時嘅學生經常抬頭望天,睇下見唔見到雪花球。
(我都好想要雪花球,等我下次去日本時,我都會得閒抬頭望下個天!)
 
 
 
怪談六︰生物室嘅人體模型
 
傳說,一件物體,經過長時間使用之後,就會有靈魂。
人體模型就會擁有一個有恩想嘅「不淨物」。
喺半夜,生物室都會傳嚟打掃或搬嘢嘅聲音,大家都以為有個乖學生好心留喺學校打掃。
有一晚,有個學生好奇咁喺半夜潛入學校,走入生物室睇下究竟個乖學生係邊個。
當佢一入到生物室時,就見到有個學生無著衫,咁佢就覺得好奇怪。
而無著衫嘅學生一步一步咁行近自己,佢發現呢個根本唔係人!而係人體模型!
於是,佢就嚇暈咗,後嚟,學生都唔敢喺夜晚時走入生物室。
(其實,聽落去,人體模型都唔係咩「壞人」吖,佢只係整理下自己嘅「部屋」啫)
 
 
 
怪談七︰廁所裡的花子
 
呢個故事,係之前嘅膽量挑機都同大家講過。
大約就係花子不幸死去,而靈魂就留喺女廁,耐唔耐就有學生話喺廁所入面見到花子。
詳情可以睇返……
膽量挑機32之廁所裡的花子http://www.likejapan.com/guts32
 
 
 
其實講完日本校園怪談之後,唔知有冇人同我一樣都想去日本學校一轉呢?
由其係想試下係日本學校到照鏡,試下嗰啲方法,睇下係咪真係見到未來老公個樣!!!
可能有人無睇到膽量挑機33之日本校園怪談(上),而家去睇啦!
 
下星期六晚再見~ByeBye你條尾~ByeBye~