膽量挑機26之日本恐怖電話亭

又到咗星期六晚嘅膽量挑機時間!
上星期就同大家講咗有關沖繩搭的士嘅鬼故,今晚就同大家講有關電話亭嘅都市傳說。
 
 
「喂喂喂!搵邊位?」
 
唔知大家有無曾經試過去日本時,入電話亭打電話返香港報平安呢?
幾年前,我試過……
又唔知大家有無試過打電話俾自己呢?
有無諗過,如果打通咗,係另一個人同你通電話,你會點做呢?
 
 
喺日本,傳說入10yen落電話,之後打俾自己手提電話。
留意!一定要係10yen呀!其他銀仔係唔得㗎!
 
 
接通咗電話之後,將電話亭話筒位置對住手提電話聽筒位置,然後就嗌
「さとるくん、さとるくん、おいでください。」(Satoru kun、 Satoru kun、 oide kudasai。)
意思即係「Satoru君,Satoru君,請聽電話。」
「さとるくん、いらっしゃったらお返事ください」(Satoru kun、irasshattara ohenji kudasai。)
意思即係「Satoru君,如果你喺到就請應吓我啦。」
不斷重覆呢兩句說話,直到夠鐘自動斷線為止。
 
 
喺24小時之內,Satoru君就會打返電話俾你。
唔好諗住唔聽電話就無事喎~因為佢係會不停打電話俾你!
 
係通話一開始,唔洗你講,Satoru君就可以講出你而家嘅位置。
期間,佢會話俾你知佢愈嚟愈接近你,但又唔會話俾你知佢實際位置係邊。
 
 
當佢已經企喺你身後面時,就會同你講已經見到你,企喺你後面。
係呢個時候…
 
千其唔好望後面!
千其唔好望後面!
千其唔好望後面!
 
 
如果你擰轉身望向後面,就會被Satoru君帶走,唔知去邊。
而且,你要開始不停問佢問題,關於過去同未來嘅事,佢都可以一一答到你。
 
要注意!你係要不停問問題㗎!唔好以唔出聲!
否則,你都係會被Satoru君帶走㗎!
 
暑假就快開始,大家去日本旅行時,唔怕被Satoru君帶走嘅話,可以試吓嘅~
不過,後果自負!
打長途電話,收到月結單時,真係「開心」到喊呀!
 
唔好以為係我老吹出嚟呀!
「さとるくん」呢個都市傳說喺日本好出名㗎!
之前,日本電視嘅恐怖節目【ほんとにあった怖い話】都有案件重演!
 
 
睇完段片,驚到訓唔著嘅話,留言話我知,等我24小時係咁打電話俾你XDDD