膽量挑機19之新宿猛鬼公園

又到咗星期六晚嘅膽量挑機時間!
 
相信有唔少人同我一樣,去日本時,都幾鍾意行吓公園,但係又知唔知呢個公園好猛鬼嘅呢?
今晚同大家講嘅猛鬼地方係位於新宿區,係山手線嘅新大久保站附近嘅…
 
 
戶山公園
 
 
由車站行過去大約十分鐘左右就到,一個秈似平平無奇嘅公園,原來內藏驚人嘅建築物!
 
国立感染症研究所
 
 
就咁聽個名都知唔方係好嘢啦!
呢座建築物嘅地底,掘出大量屍骨,並且相信仲有更多嘅屍骨係未被發掘出嚟。
 
 
於1989年,公園進行翻新工程時,掘出大量屍骨,單係頭骨就超過100個!
經鑑證後,估計已死亡時間已過數十年,但未滿一百年。
而且,頭骨表面有人為造成嘅傷痕!
估計屍骨有可能係屬於當時「関東軍防衛給水部本部,通称731部隊」嘅人體實驗嘅犠牲者!
 
 
唔少人夜晚經過呢到時,都會見到好多鬼魂係到行嚟行去,又或者見到被殺害嘅情境。
亦有人會聽到入面傳出人聲或喊聲……
 
 
係附近有個公廁,曾多次發生自殺案。
然而,亦都傳出靈異事件,有人試過去果到靈探。
曾經有人諗住入去影相時,手機突然壞咗,顯示無法使用拍攝功能!
但係,當由公廁出返嚟時,手機就變返正常使用狀態,好似平時咁可以影相拍片!!
咁就梗係唔信邪,於是再入返去公廁入面,點知,手機又再次顯示無法使用拍攝功能!
後來,又有一班學生哥唔識死,齊齊去靈探,話要嚟膽量挑機!
竟然要齊齊喺入面「辦大事」!!!呢d嘢,真係得佢地先諗到!!!
咁當然啦,最後佢地都淆底,無真係做到啦!
 
係咪真係咁猛鬼呢?真係要去過先知!
所以,我決定咗下星期,5月29日,我會同㗎仔朋友一齊夜晚去果到靈探!!!
講明,我去到此一遊咋!唔會專登去果到「辦大事」XDDD
大家記得要繼續支持我,同埋緊貼我嘅Facebook專頁!
到時會更新最新消息俾大家㗎!
 
 
不過,好似話公園有蛇出沒=0=
好啦!我會小心d!到時影相or拍片俾大家睇!
快d Like我嘅Facebook專頁!緊貼最新消息!