膽量挑機15之去日本靈探做足準備

又到咗星期六晚嘅膽量挑機時間喇!
嚟緊下個月呢,我又去日本喇!
我在此宣佈,我!將!會!再!次!去!靈!探!
 
上次去池袋猛鬼酒店,完全無心理準備=0=
所以,今次我就搵咗好多資料,做足準備!!!
 
1‧保命聖經
 
 
首先,向大家推介一本被日本人稱為「保命聖經」嘅靈探手冊《命を守るバイブル》!
未去過靈探嘅朋友,可以睇呢本書了解一吓先。
書入面都有再三提大家,如果只係得一半興趣或玩玩吓咁去靈探就放棄吧啦!
因為真係好易出事㗎!真係要三思而後行!後果自負!
另外,大家可以考慮吓去書入面推介嘅靈探熱點。
但係,書無提嘅地方就勸大家唔好去喇!
因為果d地方多數都係偏僻地方,有機會有熊出沒,亦有可能有不法分子進行非法活動等等。
所以,去靈探之前,一定要了解清楚目的地嘅背景資料。
 
2‧地圖
 
 
決定好靈探地點,就要查清楚附近交通!點解呢?
因為好可能你係靈探途中唔知發生咩事,係咁跑跑跑逃走。
所以,一定要查清楚唔同位置走時,可以搭咩車離開果個靈探範圍。
仲有一樣野好需要查清楚,就係附近會唔會有便利店。
好多時,靈探途中,就唔知點解電話無啦啦失靈,無辦法打電話報警。
如果知道邊到有便利店時,都可以跑入去,搵人求救嘛~
就算好好彩,無事發生都好,靈探完,入去便利店買支水飲都好吖~
最好print定地圖出嚟,自己再係地圖上mark返搭車同便利店位置!
記得記得印多幾份,以防逃跑時唔見咗地圖!!!
 
3‧電筒
 
 
帶多幾支去,好多時靈探時,電筒都會無啦啦熄咗唔著!!!
安全起建,可以帶定幾支螢光棒去。
雖然唔夠電筒咁光,但當迷路時,都可以整爛螢光棒,倒d液體落d石或地到,做記號。
 
4‧鹽
 
 
驅邪治鬼用!!!非常重要!!!!!
有d咩事就一嘢撒落d鬼到!!!就當自己係火野麗啦XDDD
但係用咩鹽呢?最好就用神社嘅鹽,當然好難拎得到㗎嘛!
咁就拎普通嘅鹽去神社拜一拜,求神賜d法力落d鹽到,有咩事保你命~
如果唔得閒去神社,咁無了,你拎阿媽煮飯果d鹽去啦~(無眼睇)
 
5‧御守
 
 
雖然御守唔係拎嚟驅邪治鬼用,但係你帶住御守,d鬼都忌你三分,唔敢行近你。
留意!好多人都鍾意將御守掛係書包到。
但係,萬一有事起嚟,多數都會跌咗個書包,咁咪無御守保護自己lo!?
御守都係掛係自己身上好,聽講最好就掛頸喎~
 
好,準備好哂所有嘢,出發!
錯喇!都未得住!因為一般靈探都建議4人以上去,而且要男多女少咁去!
所以,記得約好兄弟一齊gogogo!!
 
最後,靈探完結,無論見唔見到鬼都好,返屋企時,記得用鹽灑落自己身上!係全身都要!!
大概係想趕走d唔好嘅野,等我地唔會帶「嘢」返屋企!
如果有咩唔對路,就要盡快去神社求救。
必要時,可能要請神社嘅巫女或陰陽師幫你!
當然,希望唔會發生啦~
 
 
好啦!我都已經準備好去靈探喇!
記得繼續支持[膽量挑機]呀!下星期六晚見~