膽量挑機13之猛鬼山手線

又到咗星期六晚嘅膽量挑機時間!
 
去得東京,無可能未坐過JR嘅山手線!
 
 
但係,你又知唔知道山手線都好猛鬼?尤其係呢個車站……
 
 
御徒町站
 
介乎係秋葉原站同上野站之間…
 
係1996年10月16日下午5時26分,JR山手線嘅御徒町站3號月台中央位置,一名女生跳軌。
 
 
當時,多人目擊事發經過。
 
跳軌女生年約24、25歲,身穿灰色衫,Bob頭。
 
電車急停!職員即落路軌搜索…點知……
 
搵極都搵唔到女生嘅遺體…就連一絲血跡都搵唔到……
 
 
搜尋咗18分鐘之後,都並無發現,於是再次通車。
 
至今,仍然未有發現女生嘅遺體。
 
後黎,有人話因為山手線太多人跳軌自殺,積聚太多怨氣……
 
而果日大家見到嘅係其中一隻怨靈…所以搵唔到屍首……
 
 
下次大家企係月台等車時,記得唔好亂望…
 
因為…好可能企係你身邊果個係……
 
飲醉咗嘅大叔!(笑)
 
我遇過,我即刻係咁跑跑跑,怕咗呢d大叔(汗)
 
嘛…我搭親山手線,我都唔會點樣周圍望,真心怕睇到d恐怖野…
 
寧願做低頭族,上吓網,聽吓歌,再唔係自拍幾張。
 
我認我淆底,因為係日本,跳軌自殺嘅人真係好多好多!
 
如果你遇過……留言話我知件事係點吖!