膽量挑機11之新宿歌舞伎町猛鬼時鐘酒店

又到咗星期六晚嘅膽量挑機時間!
今次同大家講下新宿!
 
相信好多人黎到東京,都會去新宿歌舞伎町到見識見識吧!?
 
 
我相信大家好「純情」,應該唔會去果到嘅時鐘酒店到OOXX啩!?
如果會嘅,就一定要睇呢篇文!費時你太心急入錯地方!!!
你都唔想係OOXX時,無啦啦撞鬼,嚇到「X縮」就唔好啦!對不?
 
 
喇喇喇!「純情」嘅你,唔會去時鐘酒店都好,都要睇呢篇文呀!
要講俾你嘅好朋友聽!費時「做人」不成,被嚇死做鬼㗎嘛~
 
東京都新宿區歌舞伎町2丁目果到,分別四間時鐘酒店發生殺人事件!!!
稱為「新宿歌舞伎町Love Hotel連續殺人事件」
 
 
第一單,發生係1981年3月20日,朝早10點,A時鐘酒店。
兇手係一個男人,死者就係歌舞伎町做「歌舞表演」嘅33歲女人……
原先,係女死者同兇手到時鐘酒店Check-in「開房」。
兇手自己一個先行離開時鐘酒店,到咗Check-out時間……
店員打電話到房,無人聽電話,於是到咗交房時間,店員就去房到睇吓發生咩事。
點知,就發現個女人係床上被人用繩綑綁頸部窒息致死。
後黎,警方係死者屋企進行調查時發現,原來死者本身係45歲,以假名係歌舞伎町返工。
而係歌舞伎町返工嘅原因係因為老公同仔相繼離世,於是就去做「歌舞表演」。
但係未知兇手係咪死者嘅「客人」。
 
第二單,發生係1981年4月25日,朝早10點,B時鐘酒店。
情況同第一單差唔多,但係兇案現場入面一件屬於死者嘅財物都無,估計被兇手帶走。
由於死者並無任何身份證明文件,直到而家都未能確認死者身分。
只知係一名20多歲嘅女性,曾接受「臭狐手術」。
 
第三單,發生係1981年6月14日,夜晚7點40分,C時鐘酒店。
係同日下午6點半,一對男女一同Check-in「開房」。
無耐,個男就先行離開,酒店職員覺得有唔妥,於是到房睇睇……
發現少女全身赤裸訓係床上,被人用絲襪綑斷頸部,送院後證實不治。
經調查後,死者只得17歲,胃部有200cc嘅咖啡,懷疑死前同兇手係歌舞伎町嘅cafe見面,再去時鐘酒店。
相信死者有可能進行「援交」。
 
 
第四單,發生係1981年6月27日,夜晚11點,D時鐘酒店。
少女係機鋪玩時,被疑犯搭訕,一同前往D時鐘酒店「開房」。
之後,疑犯用手捏實少女條頸,而少女強力反抗。
於是殺人不遂,搶去少女嘅手袋就逃離現場。
 
係網上流傳,到A、B、C三間時鐘酒店OOXX時,都會見到女死者嘅鬼魂!
仲要係被綑綁條頸而死嘅「死樣」!!!
真係「撚大yo」!係XXOO咁開心時,無啦啦彈出黎嚇人!!!
 
如果,你自問「唔純情」,又唔怕被嚇到「X縮」嘅話,你可以去朝聖!
我等你俾報告我!唔係你嘅「賽後報果」呀!我唔想知呀!哈哈哈!