膽量挑機10之八王子猛鬼寺廟

又到咗星期六晚嘅膽量挑機時間!
 
好多人問我去神社你唔驚咩?
um…日光日白就唔驚嘅…但係夜晚嘅話就真係……(汗)
今晚就同大家講一間猛鬼寺廟…位於八王子市…
 
道了堂寺廟
 
 
曾經係當地好有名嘅寺廟黎㗎~
好可惜…係1983年遭當地政府拆除……
大家都會諗好地地一間寺廟點解無啦啦俾人拆㗎!?
 
 
原來,係1963年,曾經發生兇殺案,一名年老婦人慘遭兇徒謀殺。
從此,經過寺廟嘅人都會聽到個位老婆婆嘅淒厲喊聲……
 
 
 
事隔十年,係1973年,同一地方…
一名女大學生同大學助教發生不倫關係,繼而遭對方殺害並埋屍係寺廟路旁。
由於慘遭埋屍路旁,個位女生死後變為地縛靈…
係夜晚嘅時候,經常係前往寺廟嘅路上出現徘徊……
 
 
寺廟雖然被拆去,但係石碑仍然係到……
 
 
雖然,已經好少人經過,但為防再有意外傷亡,當地政府整咗呢個牌出黎。
但係,我就覺得阻嚇性不大……
聽講,成條路根本就係無閉路電視……
 
人在做,天在看。
呢個世界上有樣野叫做「報應」!
 
就算真係有鬼都好啦,相信個位老婆婆同女大學生都無心嚇路人。
希望佢地早日安息往生,能夠忘記傷害悲痛。
 
下星期六同樣時間22時59分有膽量挑機!