[胃食日本] VIVI x MIKA 爆笑布甸試食報告

 
講到日本嘅代表甜品之一又點少得布甸呢
今次我同MIKA就買左幾款唔同口味同埋特別嘅布甸
好食之餘拍緊個陣仲發生咗好多趣事~
快啲禁入睇下有咩好食布甸介紹同爆笑野發生咗啦~
 
 
 
試食布甸簡單介紹*
 
PABLO キャラメルチーズプリン (315Yen)
大家都好熟悉嘅PABLO所推出嘅焦糖芝士布甸
PABLO地鋪同網上都可以買到㗎~
 
りんごのプリン  (蘋果布甸) (360Yen)
北海道札幌嘅一間叫Santa Cream所推出嘅布甸
係用好少人用嘅蘋果去Crossover嘅限定商品~
 
侍のプリン(490Yen)
由砂川市岩瀨牧場嘅新鮮牛奶同北海道嘅農業食材製造,
係就算男士們都會覺得好食同認同嘅布甸~
 
DOLCE DE SANCIO チーズのプリン (360Yen)
係北海道芝士蛋糕專門店所推出嘅芝士布甸
全部都係用優質嘅北海道産蛋,牛奶,砂糖等等去做㗎~
 
Bocca Salty Caramel Pudding (818Yen)
用北海道伊達市牧場嘅新鮮牛奶製造,
外型似氣球咁,除左依一隻味之外
仲有原味同埋法式焦糖燉蛋味,
2008年仲衝出日本,台灣都有得賣~