[胃食日本] 食盡個名長到爆嘅Mister Donut 7款抹茶Doughnut

5月11號日本Mister Donut推出最新7款抹茶口味Doughnut,
而抹茶Fans嘅我今次就一次過買哂7款試食
 
 
首先由傳統而且最唔甜嘅OLD FASHION開始,
第一個係Old Fashion Macha
(オールドファッション抹茶)140Yen,
一D都唔甜,口感有少少似食CAKE,比較乾,
食落有淡淡嘅抹茶香,岩哂D鍾意食抹茶但係怕甜嘅人,
配個茶或咖啡岩岩好
 
之後嘅係Old Fashion Macha Choco
(オールドファッション抹茶チョコ)
Old Fashion Double Macha
(オールドファッションダブル抹茶)各151Yen,
 
分別係一半多左朱古力醬同抹茶醬,口感同頭先一樣比較乾
有朱古力醬嘅食落有少少Cover咗抹茶味,但係都唔會話好甜,
而且唔怕會話一隻味太單調,
而抹茶醬嘅岩哂怕食Old Fashion Macha會唔夠甜嘅人。

 

第四個係Macha Brown Sugar Syrup Stick
(抹茶黒みつスティック)140Yen,
細細條岩岩好,面頭有抹茶醬,入面有黑蜜膏比較甜,
食落好和風,似係日本和菓子變左Doughnut咁,
夾埋一齊食甜度岩岩好,
不過唔鐘意食黑蜜嘅就應該麻麻地(廢話)。
至於賣相似咩就.....你地自己諗啦下

 

之後介紹嘅係偏甜嘅
Pondy Macha Cream 162Yen
依一款係Mister Dount 入面最有人氣嘅 Pondy Ring系列,
而且都係我最鐘意嘅一款(原味)
口感好似食緊年糕咁好煙韌,一粒粒咁岩哂開心Share。
而除左面頭嘅抹茶醬之外亦有抹茶夾心,
但係比Old Fashion甜好多,
一個人食可能會食到一半已經好滯。
 
(因為我唔記得拎出黎影,所以用依張俾大家睇下
 
 
最後係甜到漏嘅2款

 

Warabimochi Sandwich Azuki Whip Cream
(わらび餅サンドあずきホイップ)
Warabimochi Sandwich Azuki Macha
(わらび餅サンドあずき抹茶) 各172Yen
個名長到呢......
 
Doughnut皮夾住紅豆,蕨餅同Cream,感覺好特別
(兩個嘅分別係一個抹茶Cream,一個係普通Cream)。
紅豆同蕨餅味道好夾,再加上抹茶Cream或普通Cream,
日嘅和菓子加上洋嘅Doughnut,值得一試
唯一缺點係真係太甜
同人share食又或者配茶或咖啡會比較好。
 
 

 

 
 
Mister Donut成日都會不定期做100Yen優惠,
7個Doughnut都係756Yen!(連稅)
去日本嘅朋友如果咁岩撞到優惠期間就快D買多幾個啦~
 
 
想知日本邊到有Mister Donut分店