喺日本食A5級和牛套餐閒閒地都可能要8千幾1萬幾yen、
想食好食嘅靚和牛又想食平D?
今日就帶大家去食高級超~好食A5勁抵飛騨和牛套餐!
 
依一間馬喰一代係食日本岐阜県,用14個月養成嘅飛騨和牛專門店,
 
位於銀座,坐有樂町線,喺銀座一丁目落車8號出口
一出到去立即U TURN,就會見到依棟銀座TRECIOUS
嘅11樓~
 
 
一入到門口...成間野都係金色
 
仲可以見到佢地拎到嘅資格,獎同埋好多名人簽名~
 
​首先睇睇個MENU
平時夜晚要1萬YEN嘅炭燒飛騨牛套餐
 
LUNCH只係1800Yen!!!
仲包含左兩個前菜,日本酸菜,飛騨牛,
野菜,味噌湯,白飯,同甜品!
 
 
而且唔想食燒肉嘅朋友仲有壽喜燒同日本火鍋可以揀架~
兩個同樣都係1800yen~
 
當然,我一個人食唔到三個餐...(雖然我想
所以今日就係介紹其中一個,炭燒飛騨牛套餐~
如果擔心會睇唔明MENU?唔洗驚~佢地有英文MENU架
 
首先係前菜,新鮮野菜拼盤~
其實比我想像中大碟好多,
左上面個個好似泰國嘅甜酸醬,
甜甜酸酸越食越開胃
除左蔬菜之外右邊仲有火腿~
 
 
之後就有豆腐羹~
又係俾我想像中大碗
第一啖食我以為食緊咸嘅豆腐花
因為有少少姜味,雖然唔係話好滑,但係清清地好夠味
啱哂食主菜之前先清一清..個胃。
 
食完前菜佢就會放個炭燒爐~
 
....之後主菜飛騨牛!!!
 
比我想像中厚身,無雪花...
其實有少少擔心會唔會好難咬又唔好食...
 
 
但係,一食落去超~~~~柔軟!!
好似食魚生咁嘅口感,
完全出左意料,根本唔需要點咬,
用對筷子都可以分得開(當然唔好燒得太生或太熟)
而且肉味好夠,再加埋佢地嘅醬油,
真係好好食超幸福,飯都食可能食到幾碗
 
除左肉之外佢仲有一碟細細牒嘅野菜拼盤可以燒架~
(有洋蔥,矮瓜,南瓜等等)
 
我成日都覺得真係好難燒,成日燒燶..
 
因為真係太好食,唔捨得一次過食哂,
所以我慢慢燒食左成個鐘
要注意D肉唔洗燒好耐就得架啦~
 
最後就係甜品,係生果拼盤~
有車里子,蜜瓜,紅梅,桃等等
清一清口入面嘅肉味
 



總結
5分中我俾4.5分
本身1800Yen食個A5和牛套餐都已經OK抵,
但竟然前菜個D份份都大份又好食仲有甜品
而且佢個飛騨牛個質素真係無得輸
好多驚喜
 
 
要記得佢地嘅LUNCH係由11點至下畫2點半架~