[胃食日本] 試食4款平價但超好食便利店布丁★

日本布丁好食就係人都知,
今次就買左4款喺便利店都買到嘅好食又平價布丁介紹俾大家
 
 
第一款係喺LAWSON買嘅軟滑牛奶蛋布丁~
超平價~只需要108yen!!
顏色係淺黃色,味道偏甜,牛奶味好重,有少少蛋香
最抵讚係佢個質感,一”畢”起個陣已經感覺到好軟滑
食落去口感好似食緊Cream咁
 
另一款LAWSON嘅係KIWAMI蛋布丁
同樣係好平價嘅108yen~
顏色係全黃色,質感會硬少少
味道同頭先嘅牛奶蛋布丁比起蛋味重好~多,
最底仲加埋自家製焦糖醬,係好傳統嘅日本布丁口味,
賣點係完全唔用任何香料,色素同防腐劑~
唔鍾意太重牛奶味嘅朋友可揀返依一種試下架
 
 
之後係FAMILY MART專有嘅PREMIUM抹茶布丁(240Yen)
用北海道純忌廉同埋京都嘅宇治抹茶製造,
顏色偏淡,有加埋一包黑蜜醬
 
(對唔住無咩藝術天份
 
口滑超軟滑,有淡淡嘅抹茶味,唔太甜。好好食~
加埋黑蜜醬都唔會覺得特別甜,
建議大家落黑蜜之前先食一食原味,
同埋可以唔洗落太多
因為抹茶味唔重,落太多會蓋過左抹茶嘅味道
 
 
最後係7ELEVEN JYAJI牛奶布丁,(157yen)
顏色係雪白色,同樣係好~軟滑
4個入面牛奶味最純同最重,唔係太甜,
就算食完之後都會聞到個杯有牛奶香
因為係我係重牛奶控所以覺得好好食~
 
當然除左依4款之外日本仲好多好多好多好多好食嘅布丁
下次再試到好食嘅布丁會再同大家報告~