[胃食日本]日本版趣怪月餅試食報告

又到一年一度中秋節,雖然喺日本,冇我最愛嘅香港月餅。
唯有試食日本嘅月餅應下節,睇下有咩唔同啦~

 

月餅喺日本係屬於和菓子類,
今次試嘅係日本和菓子店「新宿中村屋」嘅兩款月餅。
(日文嘅月餅係叫げっぺいGeppei,漢字都係月餅)
 
 
 
一盒11個,1739Yen。
一個係紅豆餡,一個係叫木の実、即係果實餡......   
 ??(咩來㗎...)
 
首先食紅豆餡,
比起香港月餅明顯地係扁好多,
Size都細好多。

 

切開一半,
冇蛋黃,本來以為真係只係得紅豆。
 
 
望清楚啲發現原來入面有白色一粒粒,
食落唔太甜,個皮有小小硬,
因為啲一粒粒而好有口感。

 

而食到中途終於發現啲白色一粒粒原來係
合桃。

 

同香港月餅比就真係完全唔同野
不過當一般日本和菓子咁食嘅話我覺得都幾好食

 

之後就係試果實餡,
未食之前已經好疑惑果實餡真身係咩。
 
切開一半
嘩...好多嘢喺入面
 
同樣係紅豆餡,但係多左好多唔同嘢
咬落去好夠口感,有小小韌韌地。
啲一粒粒多到自己都唔知食緊咩
唯一食到嘅就係提子乾

 

睇返材料名先見到有:
芝麻,花生,合桃,菠蘿,提子乾,橙醬,蘋果,冬瓜...
等等好多嘢集埋喺個餅到。
就好似香港嘅五仁月(雖然我冇食過)
 

 

我都係食返紅豆算啦!
 
 

 

各位而家喺日本嘅朋友手上冇月餅
又想應下節就快D去買返個~

 

當然如果可以揀嘅話緊係食返最愛嘅香港月餅,
仲要最好係冇黃
大家又鍾意食咩月餅呢?

 

人在外地,唯有望住個月亮喺遠方嘅日本
 祝大家中秋節快樂啦