聖誕Party 飲咩好? :  簡單做出暖笠笠「熱燗」日本清酒

聖誕Party 飲咩好? :  簡單做出暖笠笠「熱燗」日本清酒

 
又到聖誕~又到聖誕。相信唔少人都會同朋友一齊開返3, 5, 7個Party慶祝一下。飲酒就當然唔少得啦!唔想黎黎去去都係飲啤酒,紅白酒等等凍冰冰嘅話,今年聖誕大家可以試下自己係屋企玩「熱燗」清酒,齊齊暖笠笠!
 
可能大家接觸清酒比較多都係「冷酒」,「熱燗」可能有啲朋友仲未試過添。其實日本清酒嘅品嚐溫度個Range比較闊,以前無雪櫃嘅年代,除左「燗酒」以外其他溫度都叫做「冷酒」,姐係室溫咁,冬天大概5℃,而夏天就大概20℃左右。宜家有左雪櫃之後,係10℃左右先叫做冷酒。室溫以外,將清酒加熱到30度以上就開始叫做「燗」。
 
聖誕Party 飲咩好? :  簡單做出暖笠笠「熱燗」日本清酒
 
「燗酒」嘅好處係,可以將平時冷酒好難感受到嘅複雜味道同米香引發出黎,由入口至到吞落肚個一刻都會可以感覺到溫和飽滿,而且飲落肚仲好暖胃添!
 
聖誕Party 飲咩好? :  簡單做出暖笠笠「熱燗」日本清酒
熱燗純米酒」生酛系最岩
一般黎講最適合「燗」飲嘅清酒會係純米酒」同埋「生酛系嘅清酒,「燗」嘅溫度會提昇佢地複雜嘅味道。而「吟釀酒」通常就唔太適合「熱燗」喇,因為高溫度會將佢地嘅最注重嘅香氣揮發消散,清爽感都會消失。
 
簡易Homemade熱燗教學
聖誕Party 飲咩好? :  簡單做出暖笠笠「熱燗」日本清酒
 
1. 將酒加至酒瓶嘅8-9分滿,再用保鮮膜將瓶口封住以免香氣走失。
聖誕Party 飲咩好? :  簡單做出暖笠笠「熱燗」日本清酒
 
2. 將水放入鍋入面,放入已注滿酒嘅酒瓶,度下水位,將水位調整到沉到瓶身嘅一半。
聖誕Party 飲咩好? :  簡單做出暖笠笠「熱燗」日本清酒
 
3. 拎返酒瓶出黎,將水煲滾之後熄火。
聖誕Party 飲咩好? :  簡單做出暖笠笠「熱燗」日本清酒
 
4.  熄火後將酒瓶沉入鍋入面,等大概3分鐘左右。如果要去到40℃的話可能要10分鐘時間,長時間的話會令酒精揮發,所以盡量係3—4分鐘內完成!
聖誕Party 飲咩好? :  簡單做出暖笠笠「熱燗」日本清酒
 
5. 當酒瓶中水位接近酒瓶口的話就代表OK喇!
聖誕Party 飲咩好? :  簡單做出暖笠笠「熱燗」日本清酒
 
6. 呢個時候最好有支溫度計啦,如果無嘅話用手摸下個底,感到少少熱手的話就代表溫度岩岩好喇!(大概35~40℃)
聖誕Party 飲咩好? :  簡單做出暖笠笠「熱燗」日本清酒
 
上個月酒友酒魅嘅活動我地就用左打邊爐嘅電磁爐黎整!大家可以參考下!
 
今個聖誕大家可以買支清酒,一路同朋友傾住傾,一路慢慢跟住試下喇!
不過提提大家,「燗酒」唔可以飲咁快,因為會比冷酒更快吸收精酒,唔想咁快醉就慢慢飲喇!
 
Source:  日本酒の教科書、FBO情報基地のブログ、菊水酒造ホームページ