美戰迷準備跌錢!《美少女戰士》新品預告

老老豆豆,咁多動漫入面,我估《美少女戰士》嘅忠粉係最窮嘅。因為crossover產品實在多到買唔晒,而且出極都仲有,真係唔榨乾我地都唔罷休...而家就同大家預告一下未來3個月會出嘅產品,等大家可以儲定彈藥!先講講最近已經上架嘅オトナ女子美日 x ITS'DEMO合作推出嘅限定戰士色眼影,5種色tone包括月亮、水星、火星、金星同木星(2,500円)。復刻玩具都還可以忍手唔買,但化妝品.....咁實用,無道理唔買!
 
 
值得購入係因為,顏色「好易入口」,並不是什麼騎呢色,而係平日出街番工都可以用到嘅顏色。阿兔嘅粉紅色調主要行溫柔路線、水野亞美賣藍調知性美、火野麗繼續熱情如火,木野真琴玩有性格,愛野美奈子嘅金星tone一樣無得輸。個人最鍾意火野麗嘅酒紅配色,可以化番個時下好hit嘅桃花妝。第二就係金星了,最basic的earth tone,當然亦最實用。
 
 
另外,就連包裝都有兩個款可以揀,分別係ITS’DEMO x オトナ女子美日同埋店內賣嘅限定款包裝。不過個人覺得印番唔同主角上去會比較貼題。
 
 
 
而下個月,仲會推出指甲油、儲物罐、膠布等小物,價錢平好多,大概係170~1,000円,budget有限的話可以諗諗。
 
 
 
而到咗12月,曝光率較低但同樣好受歡迎嘅配角終於有機會出場!無錯~就係天王星同海王星。只係呢個變身器印章,似乎比較少機會用到,不過攞黎擺夠養眼,其實已足夠。
 
 
 
而且係2枝一set賣架~證明無人可以拆散天王星同海王星。
 
 
至於呢樣單品,應該都係真愛粉先會入手,講緊嘅就係呢把天王星隨身攜帶嘅「宇宙劍」。(4,320円)(1月先出貨)
 
 
其實係一把拆信刀。造工相當精緻,而且仲好有復古感覺,令人重新感受對信件嘅重視感。
 
 
隨刀會附送五張特製信封。
 
 
 
最後壓軸出場嘅,係同樣1月出貨嘅超華麗珠寶盒!(22,680円)
 
 
下層可以頸鍊耳環,上層則可以放戒指。不過話時話,呢個珠寶盒嘅價錢分分鐘貴過我放入去嘅所有首飾總額...(誤)
 
不過完全滿足到我地嘅少女心,呢樣野係真嘅。