【終極窮遊】訓網吧-比膠囊房更慳的住宿體驗(附登記教學)

筆者經常聽講去日本窮遊既極緻就係訓網吧,於是今次一於鼓起勇氣訓返晚。係香港講起網吧就會比人一個又嘈又多二手煙既埸所,但其實日本網吧完全相反,而且除左可以上網之外,仲可以滿足住宿基本需求,以下就同大家介紹下住網吧有咩好處壞處!
 
今次筆者選擇左呢間位於心齋橋既Cybac,地方一啲都唔難搵,由心齋橋行大約五分鐘就到步,隨時方便過其他酒店或者民宿

 
 
先望一望價錢,果然係窮遊必訓…如果5點之後租用個室,12個鐘只需要大約2000yen,而且沖涼的話係唔使加任何費用

 
如果咁多位係初次租用網吧個室,大家係需要先登記為會員…
假如大家真係希望到網吧體驗返一晚,筆者建議讀者們先事先登記做會員,以免上到去先慢慢搞!

 

1)首先雖要下載「アイ・カフェグループ公式アプリ」呢個app

https://play.google.com/store/apps/details?id=jp.icafe&hl=ja​

*如果搜索/下載唔到的話,咁就要先轉用日本vpn再試一試

 

2)進入程式點選右上ケータイ会員証

3)姓名用英文輸入
至於お名前(フリガナ)既部分,識五十音既讀者可以拼返出黎;唔識都唔緊要,其實隨便填就可以…鍾意既可以copy陳蘋果呢個名落去添(セイ:アップル メイ:チン)

*住所可以填返之後會居住既酒店/民者(除非大家打算咁多日曬網吧…如果真係咁打算就真係要睇曬本篇blog啦)

 

4)電話點算?打10個0落去啦!(係店員教我架…)

*最下面係填email address

 

5)之後就登記完成架啦,接下來指一指你想要既plan (e.g 12小時package),再將呢個版面show比店員睇就可以

 

搞左一大輪…終於可以入去休息啦!
先睇睇間房有幾大先~講明日本劏房,當然唔會好大…但除非你係180既高人,否則間房絕對夠大家攤直咁訓

 
上網就普通野,唯一特別既係呢部電腦係可以AV放題,仲可以dl片入手指返屋企慢慢攤…不過筆者建議大家忍一忍,因為上面係有防犯camera望住大家…

 
出去間房睇睇,漫畫雜誌任你睇!筆者行過一圈,種類應有盡有,冷門熱門一應俱全,而且更新速度超快(hxh最新話都有得睇,無錯…等暗殺教室開始連載到完結既一期…
 
聲優雜誌都有!嗚哇,係小倉唯bb呀…
 
飲品都係任飲唔嬲,有奶茶咖啡汽水…筆者飲過幾種,最鍾意士多啤梨奶
至於店內雖然有野食提供,不過係要錢既,而樓下亦有便利店,唔驚餓親自己~

 
飲杯機隔離就係微波爐,深宵時侯叮熱返隔離買既pablo再配杯奶,坐低睇下漫畫睇下雜誌…都咪話唔爽!

 
沖涼的話只要交低張租房收據,問店員拎鎖匙就可以~
沖涼雖然係免費,不過毛巾同沖涼液唔係免費架!有帶既當然用自己比較好!

女士們亦可以租用女性專用既房間,入面係要有卡先入到,比起無門鎖既一般房間安全得多

 
咩話?無門鎖??咁我想出去咁點算?
唔使擔心…店內有coin locker,300yen就可以租用,但注意係一次性使用,如果陣間想開返黎拎野又要多300yen架啦!出去既時侯記得將張電票交比店員,寫低大約幾時返就可以放低行李(放係locker,唔好放房)繼續shopping

 
最後亦都係最重要,網吧適唔適合訓覺?
 
筆者覺得要視乎:
1)自己容唔容易入睡/醒訓?
2)(講彩數)隔離嘈唔嘈

 

點解咁講?雖然文章講過日本網吧一啲都唔嘈,但係正正係咁,隔離做啲咩你都好易聽到,例如佢打開個袋既聲,又或者走出走入既腳步聲都會聽得一清兩楚…對於不時失眠既筆者黎講係好難訓得著,最後決定用mp3塞住隻耳,終於有覺好訓!

 

不過的確有唔少人一訓低就即刻見周公,如果讀者你係呢類人就唔使擔心,話嘈真係唔會好嘈,而且間房訓低係軟淋淋,唔會話太硬訓得唔舒服

 

外面亦有被同枕頭借用(筆者怕污糟,訓背囊就算)

 
講到尾,網吧抵唔抵訓?
重視睡眠質素既筆者就覺得麻麻…寧願比多幾百蚊訓個比較易入腄環境!
筆者覺得係呢三個情況可以一戰:

 

1)漫畫迷:漫畫真係超級齊全…加埋無限飲品提供,想訓住睇飲住睇都可以,對漫畫迷簡直係天堂

 

2)搵唔到住宿/臨急想搵個地方借宿一宵:如果無事先訂好酒店,去到又full曬的話網吧絕對係不二之選

 

3)秒睡人士:網吧唯一麻煩之處都消除埋…住足咁多晚,用慳返黎既錢買多幾件衫都仲得!